“Neftçi” klubunun Mətbuat və İctimaiyyətlə Əlaqələr Departamentinin rəhbəri Elnur Əşrəfoğlunun Qol.Az saytına müsahibəsi
- Komandanızın futbolçusu Araz Abdullayevin İngiltərənin «Everton» klubuna keçidi məsələsi nə yerdədir?
- «Neftçi» rəhbərliyi bu transferin baş tutmasında maraqlıdır. Araz Abdullayevin «Everton» kimi bir komandanın əsas heyətində oynaması Azərbaycan futbolunun inkişafı naminə atılan addımdır. Artıq gənc futbolçu bununla bağlı ilk proseduru keçib. Araz «Everton»un düşərgəsində olub və orada uğurla tibbi müayinədən keçib. «Neftçi»nin Avstriyadakı təlim-məşq toplanışından sonra, iyul ayının ortalarında «Everton»un nümayəndələri Azərbaycana gəlməyi planlaşdırır. Həmin vaxt hər iki klubun rəhbərliyi tərəfindən danışıqlar aparılacaq və bu məsələyə də o zaman tam aydınlıq gələcək.
-“Neftçi”nin son hazırlıqları barədə nə deyə bilərsiniz?
- Bildiyiniz kimi, baş məşqçi Arif Əsədovla birgə ötən ay Avstriyada olduq. Orada hansı oteldə qalacağımızı, hansı stadionda məşq edəcəyimizi dəqiqləşdirdik və bir neçə yoldaşlıq oyunu keçirməyi qərara aldıq. İlk olaraq İstanbulun “Beşiktaş” klubunun rəhbərliyinə rəsmi məktub göndərərək onlarla yoldaşlıq və qardaşlıq adı altında bir oyun keçirməyi xahiş etdik. “Beşiktaş” klubundan müsbət cavab aldıqdan sonra bu oyunun keçirilmə vaxtı da müəyyənləşdirildi. Matç iyulun 3-də Avstriyanın Tiol vilayətində, Bakı vaxtı ilə axşam saat 9-da başlayacaq. Bu oyunu Türkiyənin “D spor” telekanalı və “Beşiktaş TV ” canlı yayımlayacaq. “Qara qartallar”la oynamaq həm çətin, həm də şərəfli sınaqdır. Komandamız Avstriya təlim-məşq toplanışı çərçivəsində Rumıniyanın “Otselul” və Polşanın “Zaqlebie” klubları ilə qarşılaşacaq. Vyanaya səfərdən öncə isə artıq on gündür komanda Bakıda toplaşıb və “Olimpik-Şüvəlan” klubu ilə yoldaşlıq görüşü keçirib. Yeni transferlər və digər futbolçularımızın hazırkı durumu barədə məşqçilər heyətinin fikri müsbətdir.
- “Neftçi”də digər transferlər gözlənilirmi?
- Bəli, biz həmişə səviyyəli oyunçu axtarışındayıq. Klubun rəhbərliyi Braziliyada müəyyən futbolçularla maraqlanır. Yaxın vaxtlarda «Neftçi» hücum mövqeyinə yeni futbolçular transfer etmək fikrindədir.
- Yeni mövsümdə “Neftçi” komandasının əsas hədəfi nə olacaq? Çempionluq, yoxsa avrokuboklara vəsiqə qazanmaq?
-Təbii ki, “Neftçi” Azərbaycan futbolunun flaqmanı sayılır. Biz həmişə çempionluğa oynamışıq. Klub rəhbərliyi “Neftçi”nin əvvəlki əzəmətini qaytarmaq üçün əlindən gələni əsirgəmir. Biz yeni mövsümdə çempion olmaqla Azərbaycanı Çempionlar Liqasında layiqincə təmsil etmək istəyirik. İnanıram ki, “Neftçi” yenidən Avropada xarüqələr yaradacaq.
- Milli komandaya hər zaman “Neftçi” daha çox futbolçu bəxş edirdi. Lakin son vaxtlar bu işdə “Neftçi” digər klublardan geri qalır.
- Mən belə deməzdim. Ötən mövsümün əvvəlində “Neftçi”nin start heyətində iki və yaxud üç yerli futbolçu görürdük. Lakin mövsümün sonuna yaxın yerli futbolçuların sayı durmadan artırdı. Xatırlayırsınızsa, çempionatın son görüşündə “Neftçi”nin start heyətində on bir yerli futbolçu meydana çıxdı. Milli komandamızın baş məşqçisi Berti Foqts və ölkəmizdə olan digər almaniyalı məşqçilər bu faktı yüksək qiymətləndiriblər. Millinin Avstriyadakı yoldaşlıq görüşlərində komandamızın beş futbolçusu yer aldı. Düşünürəm ki, “Neftçi” nəinki əsas milli komandaya, hətta U-17, U-19 və U-21 milli komandalarına da ən çox futbolçu verən klubdur. Gələcəkdə bu futbolçuların sayının artacağı da heç kimdə şübhə doğurmasın.
- Gələcəyin komandasını qurmaq üçün nə kimi planlarınız var?
-“Neftçi” klubu Azərbaycanın ən köklü komandası olduğu üçün onun gələcəyi azarkeşləri düşündürməyə bilməz. Bu məqsədlə “Neftçi” Peşəkar Futbol Klubunun prezidenti Sadıq Sadıqovun gözəl və önəmli bir ideyası var. O, “Neftçi”nin “Xalq Şurası”nı yaratmağın zəruriliyini bildirir. Bu şuraya ziyalılar, millət vəkilləri, futbol veteranları və idman ictimaiyyətinin tanınmış nümayəndələri daxil olacaq. Təxminən 20 nəfərə yaxın üzvü olacaq şuranın ilk iclası Türkiyə təlim-məşq toplanışından sonra baş tutacaq. Bu da iyulun axırı, avqustun əvvəllərinə təsadüf edəcək. Fikrimcə, bu, Azərbaycan futbolunun inkişafı naminə atılan vacib addımlardan biri olacaq. Azərbaycan Futbol Federasiyaları Assosiasiyası ölkə futbolunun gələcəyi üçün bütün səmərəli işləri görür. Futbol təşkilatımızın rəhbəri Rövnəq Abdullayevin Azərbaycan futbolunun inkişafındakı xidmətləri dəfələrlə beynəlxalq və Avropa futbol qurumlarının rəhbərləri tərəfindən yüksək qiymətləndirilir. Ümidvaram ki, biz tezliklə futbolçularımızın ardıcıl parlaq qələbələrinin də şahidi olacağıq.
UEFA Erikseni seçdi
"Sumqayıt"ın hazırlıq planı müəyyənləşdi
Fransa - Polşa oyununun ən yaxşısı odur
Sabitzer ən yaxşı oldu
Güləşçilərimizdən 1 gümüş, 3 bürünc medal
"Roma" De Rossi ilə müqaviləni uzatdı
"Zirə" Rumıniya klubuna qalib gəldi
Messi azarkeşlərini torta qonaq etdi
Dünyanın ən yaşlı futbolçusu klubunu dəyişdi
Ukraynaya qarşı oynamayacaq
PSJ-dən Kvaratsxeliyaya 5 illik müqavilə
Neymar Vinisiusu ən çirkin futbolçu adlandırdı
"Turan Tovuz" Rusiya millisinin sabiq üzvünü transfer etdi
Almaniya millisinin ağcaqanad problemi
"Qəbələ"də yeni məşqçi təyinatı
AFFA iki komandaya texniki məğlubiyyət verib
İlk depozitdə 100 faiz Free Bet qazanmaq şansını qaçırma!
Eşli Yanqla müqavilə uzadıldı
"Qəbələ" Asif Məmmədovla yeni müqavilə bağladı
"Şamaxı"da portuqaliyalı qapıçı
23 illik "Real" karyerasının sonu
"Neftçi" də Mirzovun gedişini açıqladı
"Zirə"nin rəqibindən növbəti transfer
Modriç Avropa çempionatları tarixinə düşdü
Avro-2024: hansı oyun, hansı kanalda?
"Marsel"də yeni baş məşqçi
Coy-Lens Mikels "Sabah"a qayıtdı - Video
"Turan Tovuz" Kurban Berdıyevin təyinatını rəsmən açıqladı
Amerika kuboku: Braziliyadan heç-heçə, Kolumbiyadan qələbə
"Neftçi"nin Müşahidə Şurasının yeni sədri təsdiqləndi
“Neftçi”nin yeni baş icraçı direktoru açıqlandı
Daliç: "Ən çox onlara görə məyusam"
İspaniyanın Albaniyaya qalib gəldiyi oyun - Video
Spaletti: "Heç kim qol vuracağımıza inanmırdı"
Xorvatiya - İtaliya oyununda vurulan qollar - Video
Avro-2024: 1/8 finalın bir cütlüyü məlum oldu
Albaniya - İspaniya oyununun ən yaxşısı bilindi
Modriç ən yaxşı seçildi
Leyptsiqdə dramatik sonluq: İtaliya millisi 1/8 finalda
Karpin Rusiya millisi ilə müqaviləsini yenilədi
Xesus Navas İspaniya millisinin rekordçusu oldu
Türkiyə ilə oyunu buraxacaq