18:11
“Neftçi”nin baş məşqçisi Tərlan Əhmədov Topaz Premyer Liqanın 23-cü turunda “Zirə” üzərində 3:0 hesablı səfər qələbəsindən sonra mətbuat konfransı keçirib.
Qol.az-ın məlumatına görə, əvvəlcə qarşılaşma ilə bağlı fikirlərini açıqlayan təcrübəli mütəxəssis daha sonra jurnalistlərin suallarını cavablandırıb.
- Bu 3 xal bizim üçün çox vacib idi. Bunun üçün meydanda əlimizdən gələni etdik. Futbolçuları təbrik edirəm. Fanatlarımıza bizi dəstəklədiklərinə görə minnətdaram. “Qəbələ” ilə kubok oyunundan sonra bizi çətin matçın gözlədiyini bilirdik. Təbii ot örtüyündən sonra süni örtüyə uyğunlaşmaq çətin idi. Buna görə oyuna uyğunlaşmaq bir qədər çətin oldu.
- “Qəbələ” ilə kuboku cavab oyunu barədə nə düşünürsüz?
- İlk oyundakı qələbəyə baxmayaraq, şansları bərabər qiymətləndirirəm. Kubok oyunları tam fərqlidir.
- “Neftçi” ilk dəfə “Zirə”ni çempionatda məğlub etdi...
- Oyuna belə fikirlə çıxmamışdıq. Biz öz oyunumuzu oynadıq. Futbolçular da bu oyunun məsuliyyətini dərk edirdilər. Buna görə ciddi hazırlaşırdıq. Mən gəldiyim 6-7 aydır. Bu komandaya çempionatda qalib gələ bilməmişdim. Sevinirəm ki, bu gün 3 xal qazandıq.
- Qələbədə rəqibin azlıqda qalması nə dərəcədə rol oynadı?
- Rəqib azlıqda qalmamışdan öncə də hesabda irəlidə idik. Bu oyunda məni sevindirən əsas məqam ilk dəfə penalti vurmağımız oldu.
- Oyun ərzində sanki Qatodan narazı idiniz. Sonra isə onu əvəzlədiniz…
- O, hələ ki, mənim istədiyim futbolu oynamır. Mən komanda oyununa üstünlük verirəm. Fərdi oyun yalnız rəqibin cərimə meydançasında ola bilər. O, komanda yoldaşlarının əziyyətini yerə vurdu. Buna görə onu əvəzləməyə məcbur oldum.
- Bu gün bəzi əsas futbolçularınıza şans verməmişdiniz. Bu, “Qəbələ” ilə cavab oyunu ilə bağlıdır?
- Bəli, süni örtükdən təbii örtüyə keçid çətin olur. Buna görə bəzi oyunçulara bərpa üçün istirahət verdim.
- Ruslan Abuşovun yoxluğunda Rəşad Sadiqova şans verdiniz. Onun oyunundan razı qaldınız?
- Bəli, onun oyunu məni razı saldı. Qış fasiləsində də onu bu mövqedə sınamışdım. Rəşad təcrübəli futbolçudur. O, Petrov və Abuşov mərkəzdə məni tam qane edir. Buna görə, qışda müdafiəçi transfer etmədik. Rəşad Sadiqov bizə hələ uzun müddət lazım olacaq.
Osimhen əməliyyat olundu
Tudoru o əvəzləyə bilər
Qrizmann bu kluba keçir
Flikin "Barselona"sı Valverdenin rekorduna yaxınlaşır
Dörd gün ərzində iki qırmızı vərəqə aldı
"Real" futbolçularının milliyə çağırılmasına etiraz etdi
"Titullar meydanda qazanılır"
"Kristal Pelas"da Şon Dayç dövrü başlaya bilər
"Son oyunundan məmnun qalmadım, rotasiya etdik"
"Tottenhem"dən ağır məğlubiyyət
Səfər qadağası "Ayaks" azarkeşlərini dayandırmadı - Video
Nəriman ilk oyunundan paylaşım etdi - Şəkillər
Sonuncu pillədə yer alan klubda yeni baş məşqçi təyinatı
"Barselona" liderliyini möhkəmləndirdi
"Mançester Siti" final matçına itki ilə çıxacaq
Azərbaycan millisinin yekun heyəti açıqlandı
İrqçi təhqirlərə görə Premyer Liqa matçı dayandırıldı
"Barselona" futbolçularından sabiq ulduza ad günü jesti
Kökçünün komandası yenə uduzdu
Bakıya gələ bilməyən millinin baş məşqçisi istefa verdi
Tanınmış futbolçu karyerasını bitirdi
