16.11.18
"Premyer Liqaya vəsiqə qazandıqları deyilən 3 klub barədə məlumatlar rəsmi deyil. Rəsmi qaydada lisenziyalaşdırmanın nəticəsini gözləyəcəyik".
Qol.az-ın sportnet.az-a istinadən yaydığı xəbərə görə, bunu jurnalistlərə açıqlamasında AFFA-nın baş katibi Elxan Məmmədov deyib.
O bildirib ki, İcraiyyə Komitəsinin son iclasında Premyer Liqada çox güman ki, 8 komandanın olacağı qeyd edilib: "Təbii ki, arzumuz 10 komandadır. Amma sənədlərə, lisenziyalaşdırmaya uyğun hərəkət etmirlərsə, o zaman lisenziyanı da əldə edə bilməyəcəklər. Bir daha deyirəm: Arzumuz 10 komandadır. Amma hazırda sənədlərə baxaraq, görürük ki, 8 komandadan çox mümkün deyil".
E.Məmmədov AZAL-ın gedişindən sonra Premyer Liqada boş qalan 8-ci yerə hansı komandanın sahib çıxacağı məsələsinə də aydınlıq gətirib. O, elitada oynamaq üçün edilən müraciətlərə baxılacağını söyləyib: "3 komanda müraciət edib. Onların adlarını hələlik məxfi saxlamalıyıq. Bəziləri müraciət kağızı göndəriblər. Sənədlər isə gəlməyib".
Baş katib fəaliyyətini dayandırdığını bəyan edən AZAL komandasının yaşayacağını söyləyib: "Bu klub 1-ci divizionda mübarizə aparacaq. AZAL-ın öz imkanları var. Premyer Liqa ilə müqayisədə 1-ci divizionda oynamaq üçün böyük vəsait lazım deyil. Onların bu vəsaiti qarşılamağa imkanları çatır. Məncə, problem olmayacaq və AZAL idman prinsiplərini pozmayaraq, 1-ci divizionda çıxış edəcək. Düşünürəm ki, bu komandanın aşağı liqada olmasının diviziona müsbət təsiri olacaq".
16 il sonra yenidən...
Ronaldonun komanda yoldaşı klubdan getdi
“Şamaxı” Qətər klubu ilə qarşılaşacaq
FİFA mundialın final topunu təqdim etdi - Şəkil
Portuqaliya - İspaniya: Heyətlər
"Neftçi" Serbiya klubuna uduzdu
Lukaku Türkiyə klubuna keçə bilər
PSJ-nin qapıçısı Portuqaliya klubuna keçdi
"Qərar hansı əsasla ləğv edildi?" - Tomas Tuxel
"Milan"ın oyunçusu sıradan çıxdı
Millinin baş məşqçisindən rəqib oyunçuya qeyri-etik ifadə
"Sumqayıt"ın rəqibləri bilindi
Dünya Çempionatı 2026
Xəbərlər
Təqvim
Cədvəl