16.11.18
"Rəqibi təbrik edirəm. "Sumqayıt" bizim etməli olduğumuzu etdi. Hələ mövsüm başa çatmayıb. Sonadək vuruşacağıq".
Bunu "Neftçi"nin baş məşqçisi Elxan Abdullayev 0:2 hesabı ilə uduzduqları Topaz Premyer Liqasının 24-cü turunun matçından sonra deyib. Daha sonra 47 yaşlı mütəxəssis jurnalistlərin suallarını cavablandırıb.
- "Neftçi"nin 80 illik yubileyində adınızın tarixə qara hərflərlə düşəcəyindən ehtiyatlanmırsınız?
- Bu məğlubiyyəti yubileylə əlaqələndirmək lazım deyil. "Mançester Yunayted"in də 100 ildən çox yaşı var. Amma "Lester" gəlib çempion olub. Bu, faktdır. Ən pis baş məşqçi də sayıla bilərəm, ən yaxşı da. Yenə çalışacağam. Necə alınacağına azarkeşlər və siz qiymət verəcəksiniz. Mən komandanı birinci pillədən götürməmişəm ki... Mən qaçmıram, heç nədən də qorxmuram. Özüm cavab verəcəyəm.
- Oyun gedə-gedə azarkeşlə polemikaya girmişdiniz...
- Azarkeşi sakitləşdirirdim. Deyirdim ki, qoy, futboldayıq, oyunumuza nəzarət edək. Oyundan sonra nə qədər istəsəniz, danışarıq.
- Oyun başa çatdıqdan sonra azarkeşlər futbolçuları çağırdılar. Siz ora niyə getmək istəmədiniz?
- Orada nə tələb olunacağını bilirəm. Ona görə də getmək artıq idi.
- Nəticədən başqa sizi nə qane etmədi?
- Gücü bölüşdürmək lazımdır. Bu gün 0:0 hesablı heç-heçə bizə heç nə vermirdi. Ona görə də var gücümüzlə hücuma atıldıq. "Qarabağ"la oyunda statistika bizim tərəfdə idi. Axırda 0:2 hesabı ilə uduzduq. Bu gün də statistika eyni idi. Problemləri bilirəm. Aradan qaldırılmasına vaxt lazımdır. Bir məşhur boksçu hamını udur, axırda kimsə onu nokauta salır. Hamı gözləyir ki, bir daha nə vaxt ayılacaq. Mən də bu komandanı quyudan qaldırıram. "Neftçi" yaxşı vəziyyətdə deyildi ki?! Bu komanda hələ yarımfabrikatdır. Məndən sonra "Neftçi"yə kim gələcəksə, ona vaxt lazımdır. Kaxaber Sxadadze və Qurban Qurbanova vaxt verilib, onlar özlərini doğruldublar.
- Cavid İmamverdiyevin çıxışından razı qaldınız?
- İmamverdiyev yaxşı oynamaq üçün onun mövqeyində ən azı iki yerli oyunçu olmalıdır. Deyirlər ki, "Qarabağ" bizə qarşı 11 yerli futbolçu ilə oynadı. Amma gəlin görək, onların oyunçusu ilə bizimkilər eyni maaşı alırmı? Cavid ən yaxşı yerli oyunçulardan idi. Amma özü özünü bu vəziyyətə saldı. Səbəbi onun özündən soruşun. Uduzandan komanda şəklində uduzuruq. Bu gün Maksim Vaylo 2 səhv etdi. Günahı onun üzərinə yıxaq? (sportnet.az).
"Kopenhagen" xal itirdi
Həsrət Cəfərov finalda uduzdu - Dünya çempionatı
"Neftçi"nin mövsümdəki ilk qələbəsindən - Video
"Müdafiədə böyük səhvlər buraxdıq" - Saşa İliç
"Fənərbaxça"nın yeni prezidenti açıqlandı
Toralın het-triki, "Araz-Naxçıvan"ın "qırmızı"sı - Video
"Neftçi" "Sumqayıt"a qalib gəldi, "Qarabağ"dan darmadağın
"Komandanı azlıqda qoymaq ağır qərar idi" - Elmar Baxşıyev
"Futbolçular daha rahat oynayırdılar" - Qurban Qurbanov
Millimizin təlim-məşq toplanışı üçün heyəti bilindi
"Sumqayıt" - "Neftçi": Heyətlər
Mbappe Anrini keçdi
Formula 1 Azərbaycan Qran-Prisinin qalibi bəlli oldu
"Zirə"nin tarixində 500-cü qol
"Araz-Naxçıvan" - "Qarabağ": Heyətlər açıqlandı
Xabi Alonsodan parlaq start
Messi bombardirlər siyahısında birinci oldu
"Formula 2": Azərbaycan Qran-Prisinin qalibi bəlli oldu
Millimizin üzvü qələbədə iştirak etdi
"Milan"ın böyükhesablı qələbəsi - Video
Millimizin üzvü oynadı, komandası uduzudu
"Real" "Espanyol"u üstələdi, "Atletik"dən məğlubiyyət
"Milan" qalib gəldi, "Yuventus" heç-heçə etdi
"Bavariya" və "Leyptsiq"dən qələbə
"Sabah" "Turan Tovuz"a belə qalib gəldi - Video
"Mən ən xoşbəxt baş məşqçiyəm" - Dambrauskas
