16.11.18
"Qarabağ"ın futbolçusu Əfran İsmayılov Azərbaycan kubokunun yarımfinalında "Neftçi" ilə ilk oyundan (2:0) sonra Qol.az-ın müxbirinin də iştirak etdiyi brifinqdə jurnalistlərin suallarını cavablandırıb.
- Oyun haqqında nə düşünürsən?
- Baxmayaraq ki, 2:0 hesabı ilə qalib gəldik, amma çətin qələbə qazandıq. Çünki heyətdə çox dəyişiklik var idi - zədəlilər, yorğunluqlar. Bizdə birinci, ikinci heyət söhbəti yoxdur. Hamı eyni səviyyədədir. Yaxşı oyun göstərərək qələbə qazandıq. Ancaq hələ hər şey həll olunmayıb. Finala yüksələn komandanın adı cavab matçından sonra məlum olacaq.
- Ancaq səfərdə qazanılan iki cavabsız qollu qələbə finala vəsiqə qazanmaq üçün böyük üstünlükdür.
- Düzdü, amma çempionatda səfər anlayışı yoxdu. Bakının içində oynayırıq. Futbol gündən-günə inkişaf edir. 0:4 hesabı ilə məğlub olan komanda cavab matçında 6 qol vurur. Bizi ağır çempionat oyunları gözləyir qarşıda. Əsas odur ki, rahatlaşmayaq
- Yarımfinalın digər matçında da "Qəbələ" "İnter"i səfərdə 3:1 hesabıyla məğlub etdi və finala yaxınlaşdı. Səncə, “Qarabağ” - “Qəbələ” finalı baş tuta bilər?
- "Qəbələ" bu il həm çempionluğa, həm də kuboka çox iddialıdır. Bizim əsas rəqiblərimizdən biridir. Buna baxmayaraq, biz onları fikirləşmirik. Əvvəlcə öz oyunumuzu düşünməliyik. Kim güclüdürsə, o da qalib gəlsin.
- Milli komandamızın DÇ-2018-in seçmə mərhələsində Almaniya ilə qarşılaşdıqları oyunda sonra çox tənqid olundun. Bu tənqidi fikirlərə münasibətin necədir?
- Düzü, mən sosial şəbəkələrdən istifadə etmirəm, uzağam. Ordan-burdan eşidirəm ki, söhbəti çox şişirdirlər. Az qala deyirlər ki, səni “vətən xaini” elan edəcəklər. Söhbətin bu qədər şişirdilməsinin yeri yox idi. Bu qədər gözləmirdim mən. Mən oyunda səhv etdiyimin fərqindəyəm. Robert Prosineçki və Qurban Qurbanov da oyundan sonra mənə öz iradlarını bildirdi. Mən də başa düşdüm. Futbolu az bilən adamların bu qədər söz-söhbətlər yaratması mənə təsir etdi.
- Xüsusən də almanların ikinci qoluna görə daha çox tənqid olundun...
- Başa düşürəm, amma səhvi bu qədər niyə şişirdəsənki? Qarşımızdakı rəqib Almaniya idi. Sizi inandırım ki, rəqib tam gücünü ortaya qoymamışdı. 30-40 faiz gücü ilə oynayırdı. Nə vaxt istəsələr, bizə qol vura bilərdilər. Biz 14-15 km qaçdıq, amma Toni Kross 3-4. Ağıllı futbol oynayırdılar. Mən tənqidlərdən nəticə çıxarıram, heç bir tənqidə cavab vermirəm. Mən istəmirəm ki, Almaniyanı udaq? Bunu hamıdan birinci mən istəyirəm. Kimliyindən asılı olmayaraq, futbolçu stabil oynamır. Almaniyaya qarşı oynadığımız kimi Şimali İrlandiyaya qarşı oynasaq, bizim üçün yaxşı olacaq. Həmin oyun finala bərabər olacaq. Əlimizdən gələni edəcəyik.
Məftun RƏSULZADƏ
"Kopenhagen" xal itirdi
Həsrət Cəfərov finalda uduzdu - Dünya çempionatı
"Neftçi"nin mövsümdəki ilk qələbəsindən - Video
"Müdafiədə böyük səhvlər buraxdıq" - Saşa İliç
"Fənərbaxça"nın yeni prezidenti açıqlandı
Toralın het-triki, "Araz-Naxçıvan"ın "qırmızı"sı - Video
"Neftçi" "Sumqayıt"a qalib gəldi, "Qarabağ"dan darmadağın
"Komandanı azlıqda qoymaq ağır qərar idi" - Elmar Baxşıyev
"Futbolçular daha rahat oynayırdılar" - Qurban Qurbanov
Millimizin təlim-məşq toplanışı üçün heyəti bilindi
"Sumqayıt" - "Neftçi": Heyətlər
Mbappe Anrini keçdi
Formula 1 Azərbaycan Qran-Prisinin qalibi bəlli oldu
"Zirə"nin tarixində 500-cü qol
"Araz-Naxçıvan" - "Qarabağ": Heyətlər açıqlandı
Xabi Alonsodan parlaq start
Messi bombardirlər siyahısında birinci oldu
"Formula 2": Azərbaycan Qran-Prisinin qalibi bəlli oldu
Millimizin üzvü qələbədə iştirak etdi
"Milan"ın böyükhesablı qələbəsi - Video
Millimizin üzvü oynadı, komandası uduzudu
"Real" "Espanyol"u üstələdi, "Atletik"dən məğlubiyyət
"Milan" qalib gəldi, "Yuventus" heç-heçə etdi
"Bavariya" və "Leyptsiq"dən qələbə
"Sabah" "Turan Tovuz"a belə qalib gəldi - Video
"Mən ən xoşbəxt baş məşqçiyəm" - Dambrauskas
