16.11.18
"Bursaspor"un vitse-prezidenti Əli Adəmoğlu dünən transfer etdikləri 21 yaşadək futbolçulardan ibarət millimizin futbolçusu Ozan Can Kökcü barədə açıqlama verib.
Qol.az-ın klubun saytına istinadən yaydığı xəbərə görə, o, 18 yaşlı yarımmüdafiəçinin gələcəkdə Türkiyə millisində oynayacağına ümid etdiyini deyib:
“Bizim üçün gözəl gündür. Skautlarımızın uzun müddətdir izlədiyi Ozan Canı transfer etdik. Ozan Canın hələ 18 yaşı var və Hollandiyada yetişib. “Feyenoord”un aşağı yaş qrupunda oynayırdı. Azərbaycanın gənclər yığmasının heyətində də Türkiyəyə qarşı matçda iştirak etdi. Bu cür istedadla, inşallah, gələcəkdə əsas milli komandamızda da oynayar. Prosedur da buna imkan verir. Skautlarımızın böyük canfəşanlığı nəticəsində onunla 4 illik müqavilə imzaladıq. İyulun 1-dən rəsmən bizimlə olacaq. Bəzi klublar onları qabaqladığımız üçün bizə qəzəblənə bilərlər. Amma önəmli bir iş gördük”.
Qeyd edək ki, U-21 millimizə cəlb olunan futbolçu yığmamızla bir neçə hazırlıq oyununda meydana çıxsa da, hələ ki, rəsmi oyunlarda debüt etməyib.
16 il sonra yenidən...
Ronaldonun komanda yoldaşı klubdan getdi
“Şamaxı” Qətər klubu ilə qarşılaşacaq
Dünya Çempionatı 2026
Xəbərlər
Təqvim
Cədvəl