“Qarabağ” “sarı”nın ləğvini istəyir – “Etiraz edəcəyik”

“Qarabağ” “sarı”nın ləğvini istəyir – “Etiraz edəcəyik”
XƏBƏR 12 Fevral 2017 / 17:16 4019
-  A +

“Qarabağ” futbolçusu Ağabala Ramazanovun bu gün “Kəpəz”lə oyunda aldığı sarı vərəqəyə görə etiraz edəcək.

Qol.az-ın xəbəinə görə, bu haqda komandanın baş məşqçisi Qurban Qurbanov bu gün keçirdiyi mətbuat konfransında bildirib: “Bizim gördüyümüz odur ki, orda sarı vərəqəlik bir şey yox idi. Amma hakim fərqli düşünə bilər. Artıq bununla bağlı matçın protokuluna da qeydimizi etmişik. Vərəqəni ləğv edə də, qüvvədə də saxlaya bilərlər”.

Qeyd edək ki, ikinci hissədə meydana çıxan A.Ramazanov bilmədən, arxası "Kəpəz"in qapıçısı David Kərimiyə tərəf olub və qolkiper topu zərbə ilə oyuna daxil edərkən onunla toqquşub. Nəticədə hər iki futbolçu zədə alıb və meydana həkimlər çıxıb. Bu səbəbdən o, sarı vərəqə olub və cəza limitini doldurub.

Onun sarı vərəqə cəzası qüvvədə qalsa, “Qəbələ” ilə 19-cu turun oyununu buraxacaq.


Son xəbərlər
topaz banner