17:16
“Bu gün Bakıda olmaqdan şadıq. “Qarabağ” cütün favoritidir".
Qol.az xəbər verir ki, bu sözləri “Şerif”in baş məşqçisi Zoran Zekiç Çempionlar Liqasının 2-ci təsnifat mərhələsində “Qarabağ”la sabah keçiriləcək oyun üçün təşkil edilən mətbuat konfransında deyib.
- Rəqib artıq neçə mövsümdür avrokuboklarda daimi çıxış edir. "Qarabağ”ı Zaqreb “Dinamo”su ilə müqayisə edə bilərəm. Eyni səviyyəli komandalardır. Qurban Qurbanov artıq 12 ildir bu komandanın sükanı arxasındadır. Ümid edirəm ki, 3-cü duel bizim üçün uğurlu olacaq.
- “Sileks”in baş məşqçisi bildirmişdi ki, əvvəlki “Qarabağ”ı meydanda görə bilmədi. Siz həmin oyunu izləmisinizmi və o fikirlərlə razısınızmı?
- Əlbəttə ki, izləmişəm. Keyfiyyətli komanda, güclü məşqçi olanda yaxşı çıxış edir. “Qarabağ” da uzun müddət oynamasa da, yüksək keyfiyyətə malikdir. Rəqibin üstün cəhətlərini indi demək istəmirəm.
- Oyunun azarkeşsiz olmasını sizin üçün üstünlük saymaq olar?
- Azarkeşsiz oynamaq oyuna təsir edir. Futbol azarkeş üçün oynanılır və belədə ab-hava başqa cür olur. Bizim komanda uzun müddətdir Tiraspolda karantin şəraitində məşq edir. “Qarabağ” isə ev sahibidir. Azarkeşsiz oynamaq isə elə təəssürat yaradır ki, evində mebelsiz qonaq qəbul edirsən. Təbii ki, bu, bizim üstünlüyümüzdür. Meydançanın durumu təəssüf ki, Çempionlar Liqası səviyyəsinə uyğun deyil.
- Rəqibin heyətində ən çox çəkindiyiniz futbolçu kimdir?
- “Qarabağ” şübhəsiz, hərtərəfli güclü komandadır. Ən böyük üstünlükləri baş məşqçinin heyətdə böyük dəyişikliklər etməməsidir. Bu da komandanın oyununu avtomatikləşdirir. Matiç, Ozobiç, sol cinah müdafiəçisi, həmçinin sağ və sol cinah oyunçularını fərqləndirə bilərəm. Ən çox Qara Qarayevi qeyd edə bilərəm. Onun oyununu çox bəyənirəm. Təəssüf ki, o, bizdə deyil.
- Cütün taleyini bir oyun həll edəcək. Bunu 90 dəqiqədə həll etmək mümkün olacaq?
- Meydanda tək biz olmayacağıq. Hər şey bizim əlimizdə deyil. “Qarabağ” haqda mediada o qədər yazırlar ki, bizim meydana çıxmağımıza ehtiyac qalmır.
- Sizin sərəncamınızda “Qarabağ”ı yaxşı tanıyan Riçard Qadze var. Ondan necə yararlanmağı düşünürsünüz?
- Bu, oyunun gedişindən asılıdır. Biz bütün komanda ilə oyuna hazırlaşırıq və matçın gedişində dəyişikliklər edə bilərik.(apasport.az)
“Roma” Türkiyə millisinin üzvünü komandada saxlayacaq
Güləşçimiz dünya çempionatının finalına vəsiqə qazandı
“Yuventus” Ruqaninin müqaviləsini uzatdı - Rəsmi
“Futbolçu 23 yaşdan sonra millidə oynamamalıdır”
“Beşiktaş” Cengizi birdəfəlik alır
Kenan Yıldız: “Özümü onunla müqayisə etməyi sevmirəm”
“Qarabağ” İspaniyaya getdi - Şəkillər
“Reyncers” yeni baş məşqçisini tapdı - Danni Rohl gəlir
Millimiz 23 futbolçu ilə Qazaxıstana gedir
"Atletik"dən "Yaşa Azərbaycan" paylaşımı - Video
Klopp "Mançester Yunayted"ə niyə "yox" deyib?
"Neftçi”nin ikinci qolunda ofsayd var idi" - Felipe Santos
Arteta: "Arsenal" dünyanın ən böyük klubudur"
Xabi Alonso: “Real” Mbappedən asılı deyil
“Qarabağ” "San Mames"də dəstəksiz qalmayacaq
Daha 5 boksçumuz 1/4 finalda - Avropa çempionatı
Salah niyə yaxşı formadan uzaq düşüb?
Leroy Mikels: “Bir məğlubiyyət dünyanın sonu deyil”
La Liqanın prezidentindən jurnalistə sərt cavab
