15:44
"Zirə"nin qapıçısı Boyan Zoqoviç Azərbaycan Premyer Liqasının 11-ci turunda səfərdə "Qarabağ"la 1:1 hesablı heç-heçə etdikləri matçdan sonra Qol.az-ın müxbirinin də iştirak etdiyi brifinqdə jurnalistlərin suallarını cavablandırıb.
- Çox gərgin oyun oldu. Həmçinin, bizim üçün böyük matç idi. Azərbaycan Premyer Liqasının demək olar ki, ən yaxşı komandasına qarşı oynadıq. Düşünürəm ki, yaxşı mübarizə apardıq. Lazım olan 1 xalı qazandıq. İlk hissədə o qədər də yaxşı mübarizə aparmadıq. İkinci hissədə daha yaxşı çıxış etdik. Sonda bir xalı qazandıq.
- Yeni baş məşqçinin gəlişindən sonra artıq ardıcıl xallar qazanmağa başlamısınız - ötən həftə "Sumqayıt"la, bu həftə isə "Qarabağ"la heç-heçə. Zaur Həşimov gələndən sonra nə dəyişib?
- İlk oyunu "Sabah"a qarşı oynamışdıq. Məncə, həqiqətən də layiqli mübarizə aparmışdıq. Amma o matçda da qalib gələ bilməmişdik. Növbəti turda "Sumqayıt"la qarşılaşdıq. Oyunumuz yaxşı alınmasa da, 1 xal qazanmışdıq. Və bu gün "Qarabağ"la oyunda da 1 xal aldıq. Düşünürəm ki, meydançada göstərdiyimiz xarakterdə müəyyən dəyişikliklər var. Unutmayaq ki, bizi qış fasiləsinə qədər 3 gərgin oyun gözləyir. Bəzən düşünürəm ki, hər üç 3 görüş bizim üçün final xarakteri daşıyır. Hər şey mümkündür.
- İlk dövrədə "Qarabağ"la oyundan sonra Asmir Beqoviç haqqında danışarkən tərifləyib, dostunuz olduğunu demişdiniz. Bu gün Riçard Qadze Beqoviçin qapısına baxımlı qol vurdu. Həm də son oyunlar Beqoviç çox qol buraxır. Fikriniz dəyişibmi?
- Bu sözləri dostumdur deyə demirəm. İngiltərə Premyer Liqası görmüş bir qolkiperdir. Nəinki Azərbaycanda, dünyadakı ən yaxşı qapıçılardan biridir. Həmçinin, Qadze də yaxşı futbolçudur, öz keyfiyyətini göstərdi. Beqoviçin "Qarabağ"da işi elə də çox deyil. Digər qapıçıları bilmirəm, mənim hər matçda minimum 4-5 qurtarışım olur. Düşünürəm ki, qurtarışlar "Qarabağ"da oynadığı üçün Beqoviçdə daha azdır.
- Avropa çempionatının seçmə mərhələsinə görə çempionatda fasilə yaranır. Bu, sizin üçün xeyirli olacaq yoxsa zərərli?
- Düşünürəm ki, bu görüşdən sonra 2 gün istirahətimiz olacaq. Daha sonra məşqlərə başlayacağıq. Unutmayaq ki, bizi "Keşlə" ilə gərgin oyun gözləyir. Bu, təbii ki, heç də asan olmayacaq. Amma orada qazanılan xallar bizim üçün çox vacib olacaq.
"Qəbələ" fransalı yarımmüdafiəçi aldı - Rəsmi
"Mingəçevir" 6 transferini açıqladı
Yayda ayrıldığı kluba qayıtdı
Eriksen Bundesliqa klubuna keçməyə yaxındır
Millimiz Gürcüstana qalib gəldi
"Neftçi" Şeydayevlə yollarını ayırdı - Rəsmi
Rafinya Boliviya ilə oyundan sonra gileyləndi
"Qəbələ"dən yeni transfer - Rəsmi
Tuhel İngiltərə millisinin tarixinə düşdü
1-ci liqada mövsümün ilk oyunlarının hakimləri açıqlandı
"Beşiktaş"dan yeni transfer
"İnter" bu formalarla oynayacaq - Şəkillər
"Karvan"da iki ayrılıq
Azərbaycanlı futbolçu Xorvatiyada ilk qolunu vurdu
Millimiz Moldovada təlim-məşq toplanışında olacaq
Messi karyerasında ilki yaşadı
Azərbaycan millisi ilə oyundan sonra istefası tələb olunur
"Liverpul"u 3-cü dəfə rədd etdi
"Kəpəz" İlqar Nadiri ilə də yolları ayırdı
Ançelotti: "Məqsədimiz dünya çempionu olmaqdır"
