"Deməzdim ki, çempionatınız darıxdırıcı və bezdiricidir" - Maqaye Qeye

"Deməzdim ki, çempionatınız darıxdırıcı və bezdiricidir" - <b style="color:red">Maqaye Qeye </b>
PREMYER LİQA 6 Oktyabr 2019 / 23:28 4560
-  A +

“Qarabağ”ın hücumçusu Maqaye Qeye Premyer Liqanın 7-ci turunda evdə “Sabah”ı 2:0 hesabı ilə məğlub etdikləri oyundan sonra jurnalistlərin suallarını cavablandırıb.

- Ardıcıl 7-ci dəfə qalib gəldiniz. Çempionat darıxıdırıcı deyil?

- Xeyr, deməzdim ki, darıxdırıcı və bezdiricidir. Rəqiblər “Qarabağ”a qarşı oyunlara fərqli əhval-ruhiyyədə çıxır. Çətinliyi hiss edirik. Qalib gəlsək də, buna asanlıqla nail olmuruq.

- Düşünürsən ki, “Qarabağ” bu mövsüm asanlıqla çempion olacaq?

- Belə düşünmürük. Özünü məcbur etməsən, istəyinə nail ola bilmərsən. Əgər büdrəsək, digər komandalar fürsətdən istifadə edib bizi qabaqlaya bilər.

- Çempionatda neçə qol vurmağı hədəf qoymusan?

- Xüsusi hədəfim yoxdur. Daha çox komandaya kömək etməyə çalışıram. Qol vururamsa, daha da yaxşı haldır. Hədəfim gördüyüm işlə komandaya kömək etməkdir.

- Avropa Liqasının qrup mərhələsinin 2-ci turunda səfərdə “Düdelanj”a qalib gəldiyiniz oyunda baş verən təxribatla bağlı fikirlərini bilmək istərdik.

- Bu, axmaqlıqdır. Nə deyim? Belə şeylər qəbuledilməzdir.

 

Daha çox


Son xəbərlər