"Qələbə qoxusu onlara daha yaxındır" - Bədavi Hüseynov

"Qələbə qoxusu onlara daha yaxındır" -  Bədavi Hüseynov
ÖLKƏ FUTBOLU 24 Sentyabr 2019 / 00:18 6023
-  A +

"Qarabağ"ın futbolçusu Bədavi Hüseynov Azərbaycan Premyer Liqasının V turunda səfərdə "Zirəyə" 3:1 hesabı ilə qalib gəldikləri matçdan sonra jurnalistlərin sualların cavablandırıb.

Qol.az-ın məlumatına görə, o, əvvəlcə oyun haqda danışıb.

-  "Zirə" güclü komandadır, hücumları yaxşıdır. Onlara qarşı oynamaq heç də asan olmadı. İkinci hissədə daha yaxşı çıxış etdilər. Hər şeyə rəğmən bu, çox vacib qələbə idi. Artıq növbəti matçlara hazırlaşmalıyıq.

- Çempionat haqqında nə deyə bilərsiniz? "Qarabağ" çempion ola bilər?

- Asan olmayacaq. Bizi çətin oyunlar gözləyir. Başa düşürük ki, hər oyunda daha da məsuliyyətli olmalıyıq. Qarşılaşmalara ciddi hazırlaşmalıyıq ki, qələbə bizim olsun.

- Növbəti oyununuzu "Sumqayıt"a qarşı keçirəcəksiniz. Bu komanda haqda nə deyə bilərsiniz?

- "Sumqayıt" son oyunlarda qalib gəlib. Güclü və möhkəm komandadır. Bütün qarşılaşmalar kimi bu görüşdə də qalib gəlmək üçün hazırlaşacağıq. Belə komandalar ilə oynamaq çətindir. Çalışacağıq ki, qələbə qazanaq.

- Zədədən sonra özünüzü necə hiss edirsiniz?

- Hər şey qaydasındadır, özümü yaxşı hiss edirəm. Uzun müddət oynamadığım üçün yüklənməyim deyə mənə fasilə verilmişdi. Hər oyundan sonra daha da yaxşı oluram. Bir neçə matçda oynadıqdan sonra tam sağalacağıma inanıram.

- Avroliqanın növbəti oyununda "Düdelanj"la qarşılaşacaqsınız. Şansınızı necə dəyərləndirirsiniz?

- Şans deyəndə ki, komandamız güclüdür. Hər oyuna ciddi şəkildə hazırlaşırıq. Nəzərə alsaq ki, onlar öz meydanlarında oynayırlar, qələbə onlara daha yaxındır. Çətin olsa da, yenə də hər şey üçün ciddi hazırlıq gedir.

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı