“Qarabağ”ı keçmək “Linfild” üçün qəhrəmanlıq olar” – “Dundalk”ın məşqçisi

“Qarabağ”ı keçmək “Linfild” üçün qəhrəmanlıq olar” – “Dundalk”ın məşqçisi
ÖLKƏ FUTBOLU 22 Avqust 2019 / 12:08 4869
-  A +

İrlandiyanın “Dundalk” komandasının məşqçisi Ruaidri Hiqqins bu gün Avropa Liqasının pley-off mərhələsində keçiriləcək “Linfild” – “Qarabağ” oyunu barədə fikirlərini söyləyib.

Qol.az xəbər verir ki, BBC-yə müsahibəsində o deyib ki, “Qarabağ” iki oyunun nəticəsinə görə üstələmək “Linfild” üçün qəhrəmanlıq olar.


“Dundalk” Çempionlar Liqasının ikinci təsnifat mərhələsində “Qarabağ”a rəqib olub və uduzaraq yarışda mübarizəni dayandırıb.

“Azərbaycan əslində tanınan futbol ölkəsi deyil. Amma son 5-6 ilə baxsaz görərsiz ki, “Qarabağ” dörd dəfə Avropa Liqasının, bir dəfə isə Çempionlar Liqasının qrupunda oynayıb. Onlar Madriddə “Atletiko” ilə ÇL oyununda xal qazanıblar. Əgər “Linfild” üzərinə düşən vəzifənin öhdəsindən gəlsə, bu, Şimal və Cənub da daxil olmaqla bütün İrlandiya futbolu üçün böyük uğur olacaq. 90 dəqiqə ərzində istədiyin nəticəni əldə etmək başqadır, amma “Qarabağ” kimi komandanın iki oyunun nəticəsinə əsasən, keçmək qəhrəmanlıq olar”.

Hiqqins “Linfild”in “Qarabağ”ın heyətində Abdullah Zubirə və Xaymeyə xüsusi diqqət yetirməsinin vacibliyini də qeyd edib: “Qarabağ” bütün komanda olaraq təhlükəlidir. Xüsusən hücumda.Onlar topla oynamağı sevirlər. İki vinger – Xayme Romero və Abdullah Zubir bu il Avropada qarşılaşdığımız ən təhlükəli oyunçular olub.

Onlar bizə həqiqətən zərbə vurdular. Heyətlərində belə futbolçuların olması təəccüblü deyil. Bu iki oyunçunun qiyməti bizim bütün komandanın büdcəsi qədərdir. Onların cinah hücumları çox təhlükəli olur. Əgər ötürmə alırlarsa, cəmirə meydançasına aqressiv hücum edirlər” – deyə “Dundalk”ın məşqçisi qeyd edib.

Xatırladaq ki, Avropa Liqasının pley-off mərhələsinin bu gün keçiriləcək “Linfild” – “Qarabağ” ilk matçı Bakı vaxtı ilə saat 22.45-də başlanacaq.

Daha çox


Son xəbərlər