AFFA İcraiyyə Komitəsi toplandı - Premyer Liqa qərarı

AFFA İcraiyyə Komitəsi toplandı - <b style="color:red">Premyer Liqa qərarı</b>
ÖLKƏ FUTBOLU 3 İyun 2019 / 20:27 4713
-  A +

Bu gün “Dalğa Arena”nın ərazisində yerləşən Milli Komandaların Məşq Mərkəzində AFFA-nın İcraiyyə Komitəsinin növbəti iclası keçirilib.

Qol.az-ın AFFA-nın saytına istinadən yaydığı xəbərə görə, aparılmış müzakirələrdən sonra   2019-2020-ci il mövsümündə Azərbaycan Premyer Liqasında komandaların sayı ötən mövsüm olduğu kimi (8 komanda) saxlanılıb. Azərbaycan Premyer Liqasında çıxış etmək üçün lisenziya almaq məqsədilə Birinci Divizion klublarından heç biri müvafiq sənədləri təqdim etmədiyinə görə TPL-in 2019-2020-ci il mövsümündə ötən mövsüm mübarizə aparan komandalar çıxış edəcək.

Bundan başqa, xarici klublarda çıxış edən (baxışa yollanan və müqavilə imzalamaq ehtimalı yüksək olan), milli komandalara dəvət olunan və ya potensial namizəd olan yaşı 21-ə qədər azərbaycanlı futbolçulara dəstək göstərilməsi məqsədilə onların səfər xərci AFFA tərəfindən ödəniləcək.

Sonuncu qərara əsasən isə AFFA-nın “Grow-2020” strategiyasına uyğun olaraq, 2020-2021-ci il mövsümündə Azərbaycan Premyer Liqasında lisenziya şərtlərinə əməl olunacağı təqdirdə komandaların sayının artırılması nəzərdə tutulacaq.
 






















Səhifənin yuxarısına keçidYuxarı

 

Daha çox


Son xəbərlər
25.08.19  10:56

99 yox, 95 faiz

25.08.19  00:30

Salahdan dubl - Video