Zidan transferdən danışdı

Zidan transferdən danışdı
DÜNYA FUTBOLU 21 Aprel 2019 / 12:45 5582
-  A +

"Mənə nəyin lazım olduğunu əla bilirəm. Klub rəhbərliyi ilə transferlər haqqında danışacağam. Amma kimləri transfer etmək istədiyimizi açıqlamayacam".

Qol.az-ın Marca"ya istinadən yaydığı xəbərə görə, bu sözləri "Real"ın baş məşqçisi Zinəddin Zidan yay transfer pəncərəsi planları haqda danışarkən deyib.

O bildirib ki, Madrid təmsilçisinin prezidenti Florentino Peres kluba qayıdan zaman onun qarşısına hər hansı şərt qoymayıb: "Biz nə etmək lazım olduğunu, həmçinin oyunçular haqda danışmışıq. Baxaq, hansı transferlər alınacaq. Amma dəyişiklik olacaq".

Zidan yeni futbolçular almaq üçün bəzi oyunçuları satacaqları iddialarına da münasibət bildirib: "Bu haqda danışmaq üçün bizə vaxt lazım olacaq. Bu, istənilən oyunçu ola bilər. "Real" həmişə ən yaxşı futbolçuları komandaya dəvət edir. Bu, klub üçün yaxşı mövsüm deyil. Vəziyyəti dəyişmək lazımdır".

"Real"ın baş məşqçisi futbolçusu Qaret Beylin klubdakı gələcəyinin hələlik müzakirə etmədiklərini də vurğulayıb.

Qeyd edək ki, "Real"ın Eden Hazard ("Çelsi"), Pol Poqba ("Mançester Yunayted", Luka Yoviç ("Benfika") və Matteys de Liqti ("Ayaks") transfer etmək istədiyi iddia olunur.


Son xəbərlər