Karluş Keyruş: "Hakim və Messi oyunun taleyini həll etdi"

Karluş Keyruş: "Hakim və Messi oyunun taleyini həll etdi"
DÇ-2014 22 İyun 2014 / 00:22 3504
-  A +

"Matçın taleyini iki nəfər həll etdi. Bunlardan birincisi oyunun baş hakimi idi. Digəri isə Argentinanın hücumçusu Lionel Messi oldu".

Qol.Az-ın "Reuters" agentliyinə istinadən verdiyi məlumata görə, bu sözləri İran yığmasının baş məşqçisi Karluş Keyruş "DÇ-2014"də Argentina ilə oyundan sonra deyib.

Portuqaliyalı mütəxəssis matçın baş hakiminin rəqib qapıya penalti təyin etməməsindən şikayətlənib: "Orada penalti qərarı verilməli idi. Ancaq referi kobud səhvə yol verdi. Bir qolun həlledici olduğu belə görüşlərdə penalti qərarı çox önəmlidir. Argentina üstün futbol nümayiş etdirirdi. Oyun ərzində bir neçə təhlükəli hücumlar təşkil etdilər. Lakin ikinci hissəyə biz fərqli əhval-ruhiyyədə çıxdıq və yaxşı oynadıq. Futbolçularım daha artığına qadir olduqlarını anladılar".

Qeyd edək ki, İran "DÇ-2014"də ikinci matçında Argentinaya 0:1 hesabı ilə uduzub.


Son xəbərlər
topaz banner