Dünya futbolunun ən erkən qırmızı vərəqələri

Dünya futbolunda ən erkən qırmızı vərəqə ilə cəzalandırılan oyunçuların adları müəyyənləşib.

Qol.Az-ın məlumatına görə, 12 futbolçunun yer aldığı siyahıda rekord 3-cü saniyədə qırılıb.

Belə ki, "Çippenhem Taun" klubunun sabiq futbolçusu Devid Pratt matçın 3-cü saniyəsində qırmızı vərəqə almaqla dünya futbolunun tarixinə düşüb.

Yaponiyalı Takahiro Masukava (5-ci saniyə) ikinci, italiyalı Cüzeppe Lorenzo (10-cu saniyə) isə siyahıda üçüncü olub.

1. David Pratt - 3-cü saniyə
"Çippenhem Taun"lu David Pratt matçın 3-cü saniyəsində qırmızı vərəqə ilə oyundan kənarlaşdırılmışdı.

2. Takahiro Masukava - 5-ci saniyə
Yaponiya liqasında keçirilən "Naqoya Qrampu" və "Şimizu S-Pulse" matçında qonaqların futbolçusu Takahiro Masukava oyunun start fitindən 5 saniyə sonra komandasını azlıqda qoymuşdu.

3. Cüzeppe Lorenzo - 10 saniyə
"Bolonya"lı Cüzeppe Lorenzo matçın 10-cu saniyəsində rəqibinin üzünə zərbə endirdiyi üçün meydandan qovulmuşdu.

4. Preston Edvards - 10-cu saniyə
"Ebbsfleet Yunayted" ilə "Farnboru" komandaları arasında keçirilən maçta "Ebsfleet" qapıçısı Preston Edvards matçın 10-cu saniyəsində qırmızı vərəqə ilə cəzalandırılmışdı.

5. Serje Cehua - 10-cu saniyə
Fil Dişi Sahili yığmasının hücumçusu Serje Cehua formasını geyindiyi "Gulfadas" klubunun heyətində "Olimpiakos Volos"la görüşdə meydana çıxdıqdan 10 saniyə sonra qırmızı vərəqə ilə komandasını bir nəfər azlıqda qoymuşdu.

6. Ante Rukavina - 10-cu saniyə
Çempionlar Liqasının qrup mərhələsi çərçivəsində keçirilən "Dinamo" (Zaqreb) - "Avstriya" matçında Xorvatiya təmsilçisinin futbolçusu Ante Rukavina oyuna girdikdən 10 saniyə sonra görüşün baş hakimi Hovard Vebb tərəfindən meydandan qovulmuşdu.

7. Ze Karlos - 12-ci saniyə
Braziliya A Seriyasında oynanılan "Kruzeyro" - "Atletiko Mineyro" matçında meydan sahiblərinin futbolçusu Ze Kastro 12-ci saniyədə rəqibinə dirsəklə vurduğu üçün qırmızı vərəqə ilə oyundan kənarlaşdırılmışdı.

8. Alexandro Bernal - 24-cü saniyə
"Libertadores kuboku"nda baş tutan "Atletiko Nasional" - "Nasional" matçına meydan sahiblərinin futbolçusu Alexandro Bernalın 24-cü saniyədə qırmızı vərəqə ilə cəzalandırılması damğa vurmuşdu.

9. Alexandro Bernal - 27-ci saniyə
"Libertadores kuboku"nda keçirilən "Atletiko Nasional" - "Nasional" matçında "Atletiko"lu Alexandro Bernal görüşün 27-ci saniyəsində qırmızı vərəqə alması ilə diqqət mərkəzinə düşmüşdü.

10. Raşed Əl Hoti - 39-cu saniyə
Dünya çempionatının seçmə mərhələsi çərçivəsində Bəhreyn ilə İran arasında oynanılan görüşdə bəhreynli Raşed Əl Hoti matçın 39-cu saniyəsində qırmızı vərəqə ilə meydanı erkən tərk etməli olmuşdu.

11. Joze Batista - 56-cı saniyə
1986-cı il dünya çempionatında Uruqvay və İsveçrə arasında keçirilən oyunda uruqvaylı Joze Batista matçın 56-cı saniyəsində rəqibinə qarşı etdiyi kobudluğa görə qırmızı vərəqə ilə meydandan qovulmuşdu. Bununla da, Baptista dünya çempionatı tarixinin ən erkən qırmızı vərəqə alan futbolçusu kimi tarixə düşüb.

12. Li Yunq Ho - 90-cı saniyə
"İttifaq" və "Əl Raed" komandaları arasında keçirilən görüşün son dəqiqələrində oyuna daxil olan "İttifaq"lı Li Yung Ho ona qarşı mübarizə aparan rəqibini dirsəklə vurduğu üçün ayağına top dəymədən meydanı erkən tərk etmək məcburiyyətində qalmışdı.