22:51
“Qələbə qazanmağımıza görə çox sevindik. Ancaq artıq ilk oyun arxada qaldı. Əsas oyun Polşada olacaq. İndidən qələbəni bayram etmək çox tezdir. Öz meydanımızda 2:1 hesabı ilə qalib gəlməyimiz böyük üstünlüyümüz olmasa da, turu keçəcəyimizə inamı artırır”.
Qol.Az saytına açıqlamasında bu sözləri “Qarabağ” klubunun direktoru Əmrah Çəlikəl komandasının Avroliqanın II təsnifat mərhələsində “Piast” klubuna qarşı keçirdiyi oyun (2:1) haqqında danışarkən deyib.
Klub rəsmisi “Qarabağ”ın hər iki ev oyununda azarkeş dəstəyinin az olmasına da münasibət bildirib və bunun səbəblərini açıqlayıb: “Əsas odur ki, oyuna gələn azarkeşlərimiz yetərincə fəal olur. Bu, bizi sevindirir. Stadionun dolmamasına gəldikdə isə, biz bunun üçün hər şey etmişik. Hər yerdə kifayət qədər oyunun təbliğatını aparmışıq. Ancaq insanların seçiminə daha dərindən təsir edə bilmərik. Oyunu televiziya vasitəsi ilə izləməyə üstünlük verənlər də oldu. Çünki “İnter” və “Xəzər Lənkəran” komandalarının da oyununa baxmaq istəyənlər çox idi”.
Ə.Çəlikəl bir daha azarkeşləri “Qarabağ”a dəstək olmağa çağırıb. O qeyd edib ki, “Qarabağ”ın adına görə hamı bu komandaya dəstək olmalıdır: “Qarabağ” təkcə bizim komanda deyil. “Qarabağ” hər bir azərbaycanlının komandasıdır. Ona görə də bu komandanı dəstəkləmək hər bir azərbaycanlının borcudur”.
Ə. Çəlikəl “Qarabağ”ın transfer siyahısında bir futbolçunun olduğunu vurğulayıb. Onun sözlərinə görə, komanda yarımmüdafiəçi ilə güclənmək fikrindədir: “Futbolçuya təklifimizi göndərmişik. Hazırda onunla danışıqlar gedir”.
Premyer Liqa matçlarının tarixləri dəyişdirildi
Şəmkirdə vurulan 7 qol - Video
PSJ - "Bavariya" matçının heyətləri açıqlandı
Kurtua "El-Klassiko"ya hazırlaşır
FİFA-nı sülh mükafatını ləğv etməyə çağırdı
"Qalatasaray"ın hücumçusunu polisə şikayət etdilər
“Xankəndi” - “Qaradağ Lökbatan” matçından - Video
"Barselona" yenidən "Kamp Nou"nu tərk etməli olacaq
Rəhim Həsənov hakim qərarlarını təsdiqlədi - Video
