Bu gün Azərbaycan Respublikası Atçılıq Federasiyasının 2012-ci ilin yekunlarına həsr olunan tədbiri keçirilib.
Qol.Az-ın məlumatına görə, Azərbaycan Atçılıq Federasiyasının baş katibi Bəhruz Nəbiyev çıxışında ilk olaraq federasiyasının fəaliyyətinə qısa nəzər salıb:
“Bizim Federasiya 1996-cı ildə yaranıb. Lakin uzun müddət fəaliyyətimiz haqda bir çoxları məlumatsız olub. 2009-cu ildən etibarən bu sahədə böyük nailiyyətlər əldə etdik. Həmin ilin mayında mərhum prezident Heydər Əliyevin anadan olmasının 86-cı ildönümü münasibəti ilə böyük yarışma təşkil olundu. Bu tarixdən etibarən atçılığın inkişafına təkan verildi”.
B.Nəbiyev daha sonra cıdır yarışlarının keçirilməsi haqda da fikirlərini bildirib:
“2010-cu ildən etibarən cıdır yarışlarını təşkil etməyə başladıq. Demək olar ki, hər il ölkəmizdə atçılığın inkişafında irəliləyişlər olur. Bu il atların sayında da artım müşahidə edilir. Ancaq digər ölkələrlə müqayisədə Azərbaycanda bu sahənin hələ də zəif olduğunu söyləyə bilərik. Almaniyada qırx mindən artıq at var. Bu ölkədə hər dörd nəfərdən biri atçılıqla məşğul olur. Ölkəmizdə isə hələ bu ənənə yoxdu”.
Azərbaycanda atçılığın inkişafı haqda danışan Bəhruz Nəbiyev iki həftədən bir cıdır meydanlarında at yarışlarının keçirildiyini deyib: “250-300-ə yaxın at iki həftədə bir dəfə təşkil olunan yarışlarda iştirak edir. Gələn il ölkəmizə gətirilən atların sayında ən azı otuz faiz artım olacaq. Auksionların təşkil edilməsi ilə bu sahədə olan durğunluğu aradan qaldırmağa çalışacağıq”.
Tədbirdə iştirak edən “Azəridmanservis” MMC-nin baş direktoru Azər Məhərrəmov bu il atçılıq sahəsində atılan yeni addımlar haqda danışıb.
O, artıq “Cıdır TV”nin fəaliyyətə başladığını qeyd edib: “Hazırda peyklə yayımlanan telekanal gün ərzində 20 saat fəaliyyət göstərir. Gələcəkdə isə telekanalın fəaliyyətinin 24 saata çatdırılması planlaşdırılır”.
Tədbirdə həmçinin bildirilib ki, Azərbaycanda at yarışlarında cıdır-şans totalizator oyunlarının təşkilinə başlanılıb. Bu oyunların Nazirlər Kabinetinin 2011-ci il 12 avqust tarixli 134 saylı qərarı ilə təsdiqlənmiş “Cıdır-şans (totalizator) oyunlarının təşkili və keçirilməsi qaydaları”na uyğun keçirilməsi nəzərdə tutulub.
Bununla əlaqədar müvafiq qaydada akkreditə edilmiş “Azintot” MMC at yarışları üzrə idman-mərc oyunlarının yüksək tələblərə cavab verən səviyyədə keçirilməsi məqsədilə İngiltərənin “Race and Tote Services İnternational LTD” şirkəti ilə geniş əməkdaşlıq edir və şirkət burada texniki dəstək, servis işləri aparır.
Oyunlar – Azərbaycanda və ölkə xaricində keçirilən at yarışlarının nəticələrinin əvvəlcədən proqnoz edilməsinə əsaslanmaqla iştirakçılar arasında nəticəni düzgün təxmin edənlərə pul mükafatı (uduş) qazandırır. Oyunların keçirilməsi üçün “Mərkəzi mərc sistemi”ni və həmin sistemlə əlaqəli olan xüsusi terminallarda təmin olunmuş agentliklər şəbəkəsi yaradılır.
“Mərkəzi mərc sistemi” bütün agentlərdən daxil olan məlumatların ümumiləşdirildiyi, yüksək məlumat işləmə imkanına malik server, computer, proqram təminatı və kommunikasiya avadanlıqlarından ibarət, həftədə 7 gün, gündə 24 saat fəaliyyət göstərən bir sistemdir. Sistem daxilində agentlərə mərc oyunlarında telefon vasitəsilə yaranmış bütün suallara, o cümlədən, texniki məsələlərlə bağlı, cavab almaq üçün 24 saat ərzində Azərbaycan, türk, ingilis və rus dilində çalışan “call center” fəaliyyət göstərir.
Binədə yerləşən Azərbaycan Atçılıq Mərkəzində və ölkəmizin digər ippodromlarında at yarışları zamanı oyunların təşkili, eyni zamanda, xaricdə - ABŞ, Avstraliya, İngiltərə, İrlandiya, Kanada, BƏƏ, CAR və digər ölkələrdə at yarışlarının keçirilməsindən öncə kuponların qəbulu və oyuna iştirak hüququ verən biletlərin terminallar vasitəsilə çap edilərək oyunçulara verilməsi nəzərdə tutulur. Yarışlar televiziya vasitəsilə canlı yayımlanacaq. Türkiyədəki turnirlərdə isə bu, fevraldan tətbiq olunacaq.
Azərbaycan və xaricdə at yarışları barədə oyun iştirakçılarının ətraflı məlumatlandırılması məqsədilə “cidir.az” saytı yaradılıb və burada online rejimində Azərbaycan və xarici vətəndaşlara iştirak imkanı verilir. Əldə olunan vəsaitin ölkəmizdə atçılıq və at idmanı sahəsinin inkişafına yönəldilməsi nəzərdə tutulub.
Məhin MƏHƏRRƏMOV
"Fənərbaxça" xal itirdi
"Qəbələ" 5 qollu oyunda belə qalib gəldi - Video
"İndiki nəticəni uğurlu hesab edirik" - Şahin Diniyev
"Çempionat azarkeşsiz maraqsızdır" - Kaxaber Sxadadze
"Real"a transfer olmaq başıma gələn ən yaxşı hadisədir"
"Qəbələ" "Səbail"ə qalib gəldi
Cavid İmamverdiyevdən het-trik - Video
Bundesliqa klubunda baş məşqçi dəyişikliyi
Bakı dünyanın “İdman Paytaxtı” seçildi
"Səbail" - "Qəbələ": Heyətlər
UEFA-dan Halil Umut Melerə növbəti təyinat
"Kocaelispor"un prezidenti Ramilin oyunundan narazı qalıb
"Neftçi" 10 ildən sonra...
2-ci liqanın mərkəzi oyunu FİFA referisinə tapşırıldı
AFFA millinin yeni rəqibini açıqladı
Dünya çempionu vəfat etdi
Futzal üzrə Çempionlar Liqasının qalibi bəlli oldu
Azərbaycan Avropa çempionatlarında 22 samboçu ilə yarışacaq
Lopeteqinin yeni klubu bilindi
"Mançester Yunayted"də mərkəz müdafiəçisi qalmadı
"Qarabağ"dan son 25 ilin rekordu
Portuqaliyada çempion müəyyənləşdi
"Qalatasaray" 3 xalı 6 qolla qazandı - Video
Millimizin müdafiəçisinin komandasından vacib qələbə
Renat sona kimi ehtiyatda qaldı
"Milan"ın oyununda 6 qol vuruldu - Video
“Çelsi”dən 5, “Liverpul”dan 4 qollu qələbə
Diniyev “Erzurumspor” üzərində qələbəyə sevindi
“Roma” - “Yuventus” matçında qalib aşkarlanmadı
Sərtan oynadı, Vüsal izlədi
“Səbail”lə oyunöncəsi “Qəbələ”də 3 itki
Şeydayevin komandası böyük hesabla uduzdu
"Bayer" qarşısıalınmazdır
"Qalatasaray" "Sivasspor"a 6 qol vurdu
“Sabah” bəxt sayəsində qalib gəldi” – Elmar Baxşıyev
Ayaz Quliyevin möhtəşəm qolu, "Sabah"ın qələbəsi - Video
"Sabah" irəlilədi, "Zirə" yenidən 2-ci pillədə
Tovuzda vurulan qollar - Video
Rəşad Sadlqov qələbəni şərh etdi