"Azərbaycan-2012": Bütün 1/4 finalçılar müəyyənləşdi (YENİLƏNİB)

Futbol üzrə 17 yaşlı qızlar arasında Azərbaycanda təşkil olunmuş dünya çempionatı davam edir.

Qol.Az-ın məlumatına görə, bu gün C və D qruplarında növbəti görüşlər keçirilib.

C qrupunun lideri Yaponiya millisi Meksika yığmasına böyükhesabla qalib gəlib. Qrupun digər matçında Braziliya Yeni Zelandiyadan üstün olub. Bununla da hər iki komanda 1/4 finala vəsiqə qazanıb.

D qrupunda isə turnir cədvəlinin ikinci pilləsində qərarlaşan Almaniya millisi Uruqvayla üz-üzə gəlib. Digər oyunda lider Çin millisi qrupdan çıxmaq şanslarını saxlayan Qananı sınağa çəkib. Almaniya və Qana qalib gərərək növbəti mərhələyə yüksəlib. Bununla da DÇ-nin bütün 1/4 finalçıları bəlli olub.  

Qeyd edək ki, bundan əvvəl ötən gün A və B qruplarında keçirilən oyunlardan sonra Nigeriya, Kanada, Fransa və KXDR komandaları 1/4 finala vəsiqə qazanmışdılar. 

30 sentyabr

C qrupu

14:00. Yaponiya - Meksika - 9:0
Qollar: Risa Şimizu, 8 (1:0), Yui Narumiya, 18-pen. (2:0), Akari Şiraki, 22 (3:0), Ayaka İnoue, 28 (4:0), Akari Şiraki, 29 (5:0), Ayaka İnoue, 56 (6:0), Nina Sugita, 69 (7:0), Yuka Momiki, 79 (8:0), Mizuki Nakamura, 86 (9:0)
Hakimlər: Morag Pirie (Şotlandiya), Nicolet Bakker (Hollandiya), Judit Romano (İspaniya), Claudia Umpierrez (Uruqvay)
Bakı. "Şəfa" stadionu.

14:00. Yeni Zelandiya - Braziliya - 3:4
Qollar: Emili Jensen, 4 (1:0), Byanka, 10 (1:1), Brena, 26 (1:2), Andressa, 35-pen. (1:3), Emma Fletçer, 45+1, (2:3), Kamilla, 55 (2:4), Martina Puketapu, 77 (3:4) 
Hakimlər: Hyang Ok Ri, Kum Nyo Hong (hər ikisi - Koreya XDR), Lingling Zhang (Çin), Aissata Amegee (Toqo)
Bakı. 8 KM stadionu

17:00. Almaniya - Uruqvay - 5:2 
Qol: Sara Daebritz, 14 (1:0), Yamila Badell, 42 (1:1), Rebekka Knaak, 48 (2:1), Sara Daebritz, 64 (3:1), Rikarda Kiesslinq, 65 (4:1), Şaron Bek, 80-pen. (5:1), Yamila Badell, 87 (5:2)
Hakimlər: Gillian Martindale (Barbados), Suzanne Morisset (Kanada), Milagros Leonarde (Dominikan Respublikası), Etsuko Fukano (Yaponiya)
Lənkəran şəhər Mərkəzi stadionu.

17:00. Çin - Qana - 0:2
Qol: Jane Ayieyam, 18, 88
Hakimlər: Jana Adamkova, Lucie Ratajova, Adriana Secova (Çexiya), Karolina Radzik-Johan (Polşa)
Bakı. 8 KM stadionu.