21:50
2009-cu il aprelin 1-də Portuqaliya və Azərbaycanın futbol yığmaları arasında keçirilməsi nəzərdə tutulan beynəlxalq yoldaşlıq görüşü baş tutmayacaq. Bu haqda AFFA-nın baş katibi Elxan Məmmədov məlumat verib. Portuqaliyalılar bir müddət öncə milli komandamızı qəbul etməyə hazır olduqlarını bildirsələr də, sonradan təklifdən imtina ediblər.
“Biz Portuqaliya Futbol Federasiyasının rəsmilərinə dəfələrlə müraciət göndərdik. İlkin razılıq əldə etməyimizə baxmayaraq, qarşı tərəf qeyri-müəyyən səbəbdən fikrindən daşınıb” - deyə Məmmədov vurğulayıb.
Baş katib hazırda gələn ilə yoldaşlıq görüşləri üçün rəqib axtardıqlarını söyləyib: “Yığmamızın ilk yoldaşlıq matçı fevralın 11-də olacaq. Bir sıra komandalarla danışıqlar aparırıq. Biz həmin tarixdə səfərdə oynamaq istəyirik”.
Məmmədov bildirib ki, aprelin 1-də də milli komandamız rəqibsiz qalmayacaq: “1 aprel FİFA tərəfindən yoldaşlıq oyunları üçün ayrılmış “pəncərə”dir. İnanıram ki, tezliklə uyğun rəqib tapacağıq. Çünki gələn il martın 28-də dünya çempionatının seçmə mərhələsində Rusiya ilə qarşılaşmadan sonra boş oturmaq məqsədəuyğun deyil. Çalışırıq ki, milli komandamız 4 gündə 2 matç keçirməyə öyrəşsin”.
Mənbə: apasport.az
"Napoli"dən La Liqaya
Falkao klubsuz qaldı
"Qarabağ" Avstriyadadır - Şəkillər
"Çelsi" 70 milyonluq transferini açıqladı
A seriyası klubunda yeni baş məşqçi
Brantueytlə yeni müqavilə imzalandı
Lyakazett də ərəb klubuna keçdi
Van Bronxorst rəsmən “Liverpul”da
Ciro İmmobile "Beşiktaş"dan ayrıldı
"Atletiko"dan 45 milyon avroluq transfer
"Qarabağ" Maksim Medvedevin təyinatını açıqladı
"Bayer"in yeni ev formaları - Şəkillər
"Sabah"ın Çempionlar Liasındakı rəqibləri müəyyənləşdi
