Azərbaycanın London Olimpiadasına qazandığı bütün lisenziyalar

Azərbaycan 2012-ci il London Yay Olimpiya Oyunlarına qazandığı lisenziya sayında rekord vurub. 

Ölkəmiz iyulun 27-də start götürəcək olimpiadaya lisenziya sayını 39-a çatdırıb. Axırıncı 2 vəsiqə Beynəlxalq Su İdman növləri Federasiyasından (FİNA) 2 üzgüçümüzə “güzəştli kart” formasında verilib. Lisenziyaların sahibləri hələ müəyyənləşməsə də, onların 1 kişi, 1 qadın olacağı dəqiqdir.

2008-ci il Pekin olimpiadasına da ölkəmiz 39 lisenziya əldə etmişdi. Bu lisenziyalara 44 idmançımız yiyələnmişdi. İndi isə 39 vəsiqəni 40 təmsilçimiz qazanıb. Lakin təsnifat yarışları hələ davam etdiyindən, lisenziya sayında yeni rekordun müəyyənləşdiriləcəyi şübhə doğurmur. Ən azı 6 cüdoçumuzun bu siyahıya əlavə olunacağı gözlənilir. Bu, 25 – 29 apreldə Rusiyanın Çelyabinsk şəhərində təşkil ediləcək Avropa çempionatından sonra rəsmiləşəcək. Habelə, güləş, otüstü hokkey, atletika, akademik avarçəkmə və kanoe kimi növlər üzrə qarşıdakı təsnifat yarışlarında lisenziya sayını daha da artırmaq imkanı var.

2012-ci il London Yay Olimpiya Oyunlarına Azərbaycanın indiyədək qazandığı lisenziyaları

 1. Dmitri Marşin (atletika - çəkic atma)
 2. Fəridə Əzizova (taekvondo, 67 kq)
 3. Ramin Əzizov (taekvondo, 80 kq)
 4. Soltan Miqitinov (boks, 75 kq)
 5. İradə Aşumova (güllə atıcılığı, 25 m)
 6. Sergey Bezuqlıy və Maksim Prokopenko (avarçəkçə-kanoe, 1000 m)
 7. Valentin Demyanenko (avarçəkmə-kanoe, 200 m)
 8. Aleksandr Aleksandrov (akademik avarçəkmə, 2000 m)
 9. Natalya Mustafayeva (akademik avarçəkmə, 2000 m)
 10. Rövşən Bayramov (yunan-roma güləşi 55 kq)
 11. Saman Tahmasibi (yunan-roma güləşi, 84 kq)
 12. Mariya Stadnik (qadın güləşi, 48 kq)
 13. Şərif Şərifov (sərbəst güləş, 84 kq)
 14. Əşrəf Əliyev (sərbəst güləş, 74 kq)
 15. Camaləddin Maqomedov (sərbəst güləş, 120 kq)
 16. Cəbrayıl Həsənov (sərbəst güləş, 66 kq)
 17. Yelena Çalıx (velosiped idmanı)
 18. Aliyə Qarayeva (bədii gimnastika)
 19. Heybətulla Hacıəliyev (boks, 64 kq)
 20. Elvin Məmişzadə (boks, 52 kq)
 21. Teymur Məmmədov (boks, 91 kq)
 22. Maqomedrasul Məcidov (boks, +91 kq)
 23. Layeş Abdullayeva (yüngül atletika, 3000 metrə qaçış)
 24. – 28. Azərbaycanın ağırlıq qaldırma üzrə yığma komandası (kişi)
 29. Şakir Şıxəliyev (idman gimnastikası)
 30. Camal Rəhimov (atçılıq-konkur)
 31. Ağırlıqqaldırma üzrə Azərbaycan yığma komandası (qadın)
 32. Maqomed Abdulqamidov (boks, 56 kq)
 33. Toğrul Əskərov (sərbəst güləş, 60 kq)
 34. Vətən Hüseynli (boks, 81 kq)
 35. Kamran Məmmədov (yunan roma güləşi, 60 kq)
 36. Sabina Mikina (qılıncoynatma-sablya)
 37. Yuliya Ratkeviç (qadın güləşi, 55 kq)
 38-39. Beynəlxalq Su idman növləri Federasiyasından “vayld-kart”

Xəbər: lent.az