Səməd Mustafayev: “Vobay “Xəzər Lənkəran”a təzminat ödəməlidir”

Səməd Mustafayev: “Vobay “Xəzər Lənkəran”a təzminat ödəməlidir”
ÖLKƏ FUTBOLU 19 Yanvar 2012 / 16:41 3621
-  A +

“Xəzər Lənkəran” klubu afrikalı futbolçusu Julius Vobayın “Bakı”ya keçməsi ilə bağlı yayılan xəbərlərə münasibət bildirib.

Hazırda Antalya şəhərində olan klubun rəisi Səməd Mustafayev Qol.Az-ın müxbiri ilə söhbətində bildirib ki, Vobay özbaşına heç bir komandaya keçə bilməz.

O deyib ki, Vobayın “Xəzər Lənkəran”la müqaviləsi başa çatmayıb: “Əgər hansısa komandaya keçmək istəyirsə, ilk növbədə bizimlə oturub söhbət etməli, müqaviləsi qarşılıqlı şəkildə ləğv olunmalıdır”.

“Xəzər Lənkəran” rəsmisi qeyd edib ki, Vobay başqa kluba keçsə, buna görə təzminat ödəməlidir.

S.Mustafayev deyib ki, Vobay hazırda Antalyada hazırlıq prosesi keçən klubun düşərgəsində olmalıydı: “Amma o, komandaya qoşulmayıb. Əgər bundan sonra kluba gəlsə, ona qarşı cəza tədbiq olunacaq”.

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...