Sadıq Sadıqov Araz Abdullayevin "Panionios"dakı debütündən danışdı

Sadıq Sadıqov Araz Abdullayevin "Panionios"dakı debütündən danışdı
ÖLKƏ FUTBOLU 4 Yanvar 2012 / 12:33 2573
-  A +

İngiltərənin "Everton" klubu ilə müqaviləsi olan "Neftçi"nin yetirməsi Araz Abdullayev Yunanıstan Superliqasında debüt edib.
 
Qol.Az-ın məlumatına görə, gənc yarımmüdafiəçi şərəfini qoruduğu "Panionios" klubunun "Asteras Tripolis" üzərindəki qələbəsində (2:0) pay sahibi olub.
 
"Neftçi" klubunun prezidenti Sadıq Sadıqov bununla bağlı fikirlərini klubun rəsmi saytına bildirib: "Çox sevindirici haldır ki, Araz Abdullayev Yunanıstan Superliqası kimi güclü çempionatda debüt etdi.

AFFA-nın prezidenti Rövnəq Abdullayev millimiz və müxtəlif yaş qrupları üzrə yğmalarda çıxış edən futbolçularımız üçün hər cür şərait yaradır. Biz klublar da yerli gənc futbolçularımızın yetişməsi və onların əsas heyətdə oynaması üçün hər bir imkan yaratmalıyıq.

Üstəlik, yerli gənc futbolçularımızın Avropa klublarına keçməsi yaxın zamanda Azərbaycan millisinə önəmli xeyir verəcək. Amit Quluzadənin "Kayseri Ərciyəsspor"un heyətindəki çıxışı, Araz Abdullayevin Yunanıstan Superliqası kimi güclü bir çempionatda oynaması bir daha göstərir ki, gənc futbolçularımızın istedadı yetərincədir, sadəcə, onlara bu imkanı yaratmaq lazımdır. Mən bundan sonra da gənclərimizin Avropa klublarına keçidi üçün bütün imkanlardan istifadə edəcəyəm".

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...