Foqts yubileyi ərəfəsində qalmaqalla üzləşdi

Foqts yubileyi ərəfəsində qalmaqalla üzləşdi
ÖLKƏ FUTBOLU 29 Dekabr 2011 / 22:11 2399
-  A +

Azərbaycan milli komandasının baş məşqçisi Berti Foqtsla Almaniya Futbol İttifaqının (AFİ) sabiq prezidenti Gerhard Mayer-Volferder arasında narazılıq yaranıb.

Qol.Az-ın Almaniya mətbuatına istinadən yaydığı məlumata görə, Mayer bildirib ki, Foqts Almaniyada gənc futbolçuların inkişafı istiqamətində heç bir iş görməyib. “O, Almaniyada işlədiyi zaman gənc futbolçuların inkişafı istiqamətində yeni heç bir ideya irəli sürməyib” – deyə Mayer vurğulayıb.

2001-2006-cı illərdə AFİ-yə rəhbərlik edən Mayer qeyd edib ki, Almaniya futbolunun son uğurları onun adıyla bağlıdır.

Foqts isə deyib ki, Mayerin qabartdığı məsələylə bağlı heç bir anlayışı yoxdur: “Əgər Almaniyada gənc futbolçuların inkişafı istiqəmətində iş görməyən yeganə adam varsa, o da Mayer-Volferderdir”.

AFİ-nin hazırkı prezidenti Teo Zvanziger isə hər iki şəxsi təmkinli olmağa çağırıb: “Mən çox istərdim ki, onlar mediada bu söz atışmasına son qoysunlar. Almaniya futboluna böyük töhvə vermiş bu iki şəxs bir-birinə hörmətlə yanaşmalıdır”.

“Foqts Almaniya millisinə 1996-cı ildə Avropa çempionu adını qazandırıb. Bu, son 15 ildə komandamızın qazandığı son boyük tituldur. Almaniya futbolu Foqtsu xidmətlərinə görə borcludur” – deyə AFİ prezidenti bildirib.

Qeyd edək ki, sabah dekabrın 30-da Berti Foqtsun 65 yaşı tamam olur.

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...