Sergey Artyux: “Azərbaycanın 2-3 klubundan təklif almışam”

Sergey Artyux:  “Azərbaycanın 2-3 klubundan təklif almışam”
ÖLKƏ FUTBOLU 28 Dekabr 2011 / 11:11 2481
-  A +

Tovuzun “Turan” klubunun sabiq futbolçusu Sergey Artyux Ukrayna mətbuatına müsahibə verib. Qol.Az həmin müsahibəni təqdir edir.


- “Turan”ı tərk etməyinizin səbəbi nə oldu?

- Maaşlarımız gecikdiyi üçün bu addımı atmalı oldum. Çox gözlədim. Hərçənd komandanın prezidenti bizi əmin edirdi ki, hər şey yaxşı olacaq. Amma heç nə dəyişmədi. Hazırda evimdə, Donetskdəyəm. Formamı saxlamaq üçün fərdi məşqlər edirəm. Azərbaycanda isə mənim işlərimi yoluna qoymaq üçün çalışan insanlar var. Hazırda Azərbaycanın 2-3 klubundan təklif olsa da, konkret qərara gəlməmişəm. Allah qoysa, yaxınlarda hər şey həll olunacaq.

- Maraqlı əhvalatdır. Bəs, “Turan”a keçidiniz necə baş tutdu?

- Çox sadə. Yayda komandaya bir vaxtlar “Bakı” və “Olimpik”ə rəhbərlik edən Əsgər Abdullayev başçılıq etməyə başladı. Məhz o məni “Turan”a dəvət etdi. Çünki “Simurq”dakı oyunumdan xəbərdar idi. Vəd etdi ki, hər şey yaxşı olacaq, əla təkliflər irəli sürdü. Mən də “Turan”a keçdim.
 
- Sizin Azərbaycandakı ilk çıxışınız daha uğurlu olmuşdu.

- Mən təxminən iki il “Simurq”da oynadım. Çempionatın bürünc medalını qazandım, Avroliqada oynadım.  İsrailin “Bney İequda” komandasına hər iki oyunda uduzsaq da (0:1,0:4), Mixail Starostyak, Andrey Nikitin, Taras Çopik, Aleksandr Malıgin, Vladimir Mazyar, Rislan Qunçak kimi futbolçularla eyni komandada xeyli təcrübə topladım.

- Belə söhbətlər gəzirdi ki, siz klubun prezidenti (hazırda eks-rezidenti – red.)Zaur Məmmədovun sevimli futbolçusu olmusunuz.  Sizi geri çağırmırlar?

- Zaur Məmmədov doğrudan da mənə yaxşı yanaşırdı. Bu mövsümün əvvəli “Simurq”un rəhbərliyi tamamilə dəyişdi. Hazırda Sergey Yuranın baş məşqçisi olduğu klubdan mənə maraq var. Amma bu bərədə danışmaq hələ tezdir.

- Doğma vətəniniz Ukraynadan sizə təflif gəlib?

- Hələlik mən Ukraynada oynamaq barədə düşünmürəm.

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...