“Beşiktaş” növbəti mərhələdə, "Fulhem"ə son dəqiqə şoku

Bu axşam Avroliqanın qrup mərhələsində sonuncu turun oyunlarına start verilib. Qol.Az-ın məlumatına görə, ilk oyun günündə 6 qrupda 12 görüş baş tutub.

D qrupunun lideri “Sportinq” (Portuqaliya) səfərdə “Latsio”nun qonağı olub. Artıq birinciliyi təmin etmiş “Sportinq” üçün bu oyun formal xarakter daşıyırdı. Növbəti mərəhəyə çıxmağı hədəfləyən “Latsio” isə bu görüşdə mütləq qələbə qazanmalı idi ki, bunu da bacarıb. Qrupun digər matçında isə “Sürix” (İsveçrə) evdə “Vasluy” (Rumıniya) klubunu qəbul edib və 2:0 hesabı ilə qələbə qazanıb.

Azərbaycan futbolsevərlərinin bütün diqqəti isə yenidən E qrupna yönəlib. Burada Türkiyənin “Beşiktaş” klubu doğma azarkeşləri önündə İngiltərənin “Stok Siti” klubu ilə qarşılaşıb. Səfərdə keçirilən oyunda rəqibinə 1:2 hesabı ilə uduzan “qara qartal” həmin məğlubiyyətin əvəzini çıxıb. Bununla da, “Beşiktaş” qrupu lider kimi başa vuraraq növbəti mərhələyə vəsiqə qazanıb.

Qrupun digər matçında isə “Dinamo” (Kiyev) klubu evdə “Makkabi” (Təl-Əviv, İsrail) komandası ilə qarşılaşıb. İlk hissədə iki qol vuraraq fasiləyə üstün yollanan Kiyev təmsilçisi fasilədən sonra qələbəni əldən verib. Matçın gedişində 9 nəfərlə qalan "Dinamo" sonda bir xalla kifayətlənib - 3:3.

F qrupunda isə PSJ – “Atletik” (Bilbao) matçı böyük maraq doğururdu. Bu oyunda qələbə qrup liderliyini təmin etmiş “Atletik”dən daha çox PSJ-yə lazım idi. Növbəti mərhələyə çıxamaq şanslarını saxlayan Paris təmsilçisi bu görüşdə mütləq qələbə qazanmalı idi ki, bunu da bacarıb. Lakin qrupun digər matçında isə “Slovan”ın (Slovakiya) evdə “Zalsburq”a uduzması (2:3) PSJ-ni qrupda saxlayıb.

K qrupunda isə “Visla” (Polşa) doğma azarkeşləri önündə qrup lideri “Tvente”ni qonaq edib. Hazırda 6 xalla turnir cədvəlinin üçüncü pilləsində qərarlaşan Polşa təmsilçisini növbəti mərhələyə adlamaq üçün yalnız qələbə razı sala bilərdi ki, "Visla" da bunun öhdəsindən gəlib - 2:1. İngiltərənin “Fulhem” klubu isə ilk hissədən sonra məğlub etdiyi “Odense” (Daminarka) komandası ilə sonda 2:2-lik heç-heçə etməklə qrupda qalıb.

Maraqlı görüşlərdən biri də L qrupunda baş tutub. Burada qrup lideri Belçikanın “Anderlext” klubu Rusiya “Lokomotiv”i ilə üz-üzə gəlib.  Liderliyini qorumaq üçün meydan sahiblərini bir xal da qane edirdi. Lakin Moskva təmsilçisi isə qrup qalibi olmaq üçün mütləq qələbə qazanmalı idi. Bu görüşdə 5:3 hesabı ilə qalib gələn meydan sahibləri qrupu lider kimi başa vurublar. Qrupun digər matçında isə “Ştrum” (Qraz, Avstriya) evdə AEK-ə 1:3 hesabı ilə məğlub olub.

 

14 dekabr

Avroliqada qrup mərhələsinin son oyunları

D qrupu

22:00. “Sürix” (İsveçrə) – “Vasluy” (Rumıniya) - 2:0
Qollar: Mayqayraz, 69 (1:0), Baff, 90 (2:0)

22:00. “Latsio” (İtaliya) – “Sportinq” (Portuqaliya) - 2:0
Qollar: Kozak, 42 (1:0), Skulli, 55 (2:0)

S	Komandalar	O	Q	H	M	Xal
1.	“Sportinq”	6	4	0	2	12
2.	“Latsio”	6	2	3	1	9
3.	“Vasluy”	6	1	3	2	6
4.	“Sürix”	6	1	2	3	5

E qrupu

22:00. “Beşiktaş” (Türkiyə) – “Stok Siti” (İngiltərə) - 3:1
Qollar: Füller, 29 (0:1), Fernandez, 59-pen (1:1), Pektemek, 74 (2:1), 83 (3:1)

22:00. “Dinamo” (Kiyev, Ukrayna) – “Makkabi” (Təl-Əviv, İsrail) - 3:3
Qollar: Almeyda, 12 (1:0), Qusev, 17 (2:0), 80 (3:3), Vered, 49 (2:1), Atar, 62 (2:2), Dabur, 75 (2:3)

S	Komandalar	O	Q	H	M	Xal
1.	“Beşiktaş”	6	4	0	2	12
2.	“Stok Siti”	6	3	2	1	11
3.	“Dinamo” (Kiyev)	6	1	4	1	7
4.	“Makkabi” (Təl-Əviv)	6	0	2	4	2

F qrupu

22:00. PSJ (Fransa) – “Atletik” (Bilbao, İspaniya) - 4:2
Qollar: Aurtenetxe, 3 (0:1), Pastore, 21 (1:1), Bodmer, 41 (2:1), Lopez, 56 (2:2), Perez, 85-avtoqol (3:2), Hoarau, 90-pen (4:2)

22:00. “Slovan” (Slovakiya) – “Zalsburq” (Avstriya) - 2:3
Qollar: Lasni, 3 (1:0), 6 (2:0), Yantşer, 19 (2:1), Leonardo, 24 (2:2), Had, 52-avtoqol (2:3)

 

S	Komandalar	O	Q	H	M	Xal
1.	“Atletik” (Bilbao)	6	4	1	1	13
2.	“Zalsburq”	6	3	1	2	10
3.	PSJ	6	3	1	2	10
4.	“Slovan” (Bratislava)	6	0	1	5	1

J qrupu

00:05. “Styaua” (Rumıniya) – AEK (Kipr) - 3:1
Qollar: Rusesku, 55-pen (1:0), Pintado, 61 (1:1), Nikoliç, 70 (2:1), 85 (3:1)

00:05. “Makkabi” (Hayfa, İsrail) – “Şalke” (Almaniya) - 0:3
Qollar: Bulyat, 7-avtoqol (0:1), Marika, 84 (0:2), Vieqel, 90 (1:3)

 

S	Komandalar	O	Q	H	M	Xal
1.	“Şalke”	6	4	2	0	14
2.	“Styaua” (Buxarest)	6	2	2	2	8
3.	“Makkabi” (Hayfa, İsrail)	6	2	0	4	6
4.	AEK (Kipr)	6	1	2	3	5

K qrupu

00:05. “Visla” (Polşa) – “Tvente” (Hollandiya) - 2:1
Qollar: Qarqula, 12 (1:0), De Yonq, 39 (1:1), Genkov, 46 (2:1)

00:05. “Fulhem” (İngiltərə) – “Odense” (Danimarka) - 2:2
Qollar: Dempsey, 26 (1:0), Fray, 31 (2:0), Andreasen, 64 (2:1), Fall, 90+3 (2:2) 

S	Komandalar	O	Q	H	M	Xal
1.	“Tvente”	6	4	1	1	13
2.	“Visla” (Krakov)	6	3	0	3	9
3.	“Fulhem”	6	2	2	2	8
4.	“Odense”	6	1	1	4	4

L qrupu

00:05. “Anderlext” (Belçika) – “Lokomotiv” (Moskva, Rusiya) - 5:3
Qollar: İqnatiev, 21 (0:1), Klyestan, 33 (1:1), Matos, 39 (2:1), Vasilevski, 57 (3:1), Suarez, 61 (4:1), Sıçev, 69-pen (4:2), 89 (5:3), Gillet, 78 (5:2),

00:05. “Ştrum” (Qraz, Avstriya) – AEK (Yunanıstan) - 1:3
Qollar: Manolas, 10 (0:1), Burns, 43 (0:2), Kainz, 59 (1:2), Klonadiris, 77 (1:3)  

S	Komandalar	O	Q	H	M	Xal
1.	“Anderlext”	6	6	0	0	18
2.	“Lokomotiv” (Moskva, Rusiya)	6	4	0	2	12
3.	AEK (Yunanıstan)	6	1	0	5	3
4.	“Şturm” (Qraz, Avstriya)	6	1	0	5	3

15 dekabr 


A qrupu
 
22:00. PAOK (Yunanıstan) – “Rubin” (Rusiya)
22:00. “Şamrok Rovers” (İrlandiya) – “Tottenhem” (İngiltərə)

B qrupu
 
22:00. “Kopenhagen” (Danimarka) – “Standard” (Belçika)
22:00. “Hannover” (Almaniya) – “Vorskla” (Ukrayna)

C qrupu
 
22:00. “Hapoel” (Təl-Əviv, İsrail) – “Legiya” (Polşa)
22:00. PSV (Hollandiya) – “Rapid” (Rumıniya)

G qrupu

00:05. “Austria” (Avstriya) – “Malmö” (İsveç)
00:05. “AZ Alkmaar” (Hollandiya) – “Metalist” (Xarkov, Ukrayna)

H qrupu
 
00:05. “Birmingem” (İngiltərə) – “Maribor” (Sloveniya)
00:05. “Brügge” (Belçika) – “Braqa” (Portuqaliya)

I qrupu
 
00:05. “Atletiko” (Madrid, İspaniya) – “Renn” (Fransa)
00:05. “Udineze” (İtaliya) – “Seltik” (Şotlandiya)