Cüneyt Biçər: "Heç-heçə ədalətli hesab oldu"

Cüneyt Biçər: "Heç-heçə ədalətli hesab oldu"
ÖLKƏ FUTBOLU 10 Dekabr 2011 / 18:34 2480
-  A +

"Artıq bir neçə vaxtdır ki, bir-birimizi tanıyırıq. Bu, “Xəzər Lənkəran” komandasının baş məşqçisi kimi ilk oyunum idi. Hər iki komanda ehtiyatlı oyun göstərdi".

Qol.Az-ın məlumatına görə, bu sözləri "Xəzər Lənkəran" klubunun baş məşqçisi Cüneyt Biçər deyib.

Biçər daha sonra oyunda qeydə alınan heç-heçəni ədalətli nəticə adlandırıb: "İlk yarıda "Qarabağ", ikinci hissədə isə biz yaxşı oynadıq. Qol vuran komanda bu oyunda qalib gələcəkdi. Lakin qapılara qol vurulmadı.

Komandanın heyətində müəyyən dəyişiklik etmişdik. Buna görə də oyunumuzda müəyyən çatışmazlıqlar var idi. Bunları aradan qaldırmaq üçün isə bir qədər vaxta ehtiyacımız var. Bununla belə, heç-heçə ədalətli hesab oldu".

Qeyd edək ki, Premyer Liqanın son turunda keçirilən "Xəzər Lənkəran" - "Qarabağ" matçı 0:0 hesabı ilə başa çatıb.

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...