Azərbaycanlı futbolçu yenə intizamsızlıq etdi

Azərbaycanlı futbolçu yenə intizamsızlıq etdi
ÖLKƏ FUTBOLU 4 Dekabr 2011 / 14:11 3264
-  A +

Ukraynanın «Aleksandriya» klubunun azərbaycanlı futbolçusu Ruslan Zeynalov yeni intizamsız hərəkəti ilə yadda qalıb.

Qol.Az-ın məlumatına görə, «Şaxtyor»la oyunda aldığı birbaşa qırmızı vərəqəyə görə Zeynalovun iki oyunluq cəza müddəti ötən həftə, 18-ci turda başa çatmışdı. «Zarya»ya qarşı matçda meydana çıxan həmyerlimiz matçın 67-ci dəqiqəsində kobud oyuna görə sarı vərəqəylə cəzalandırılmışdı.

Ruslan dünən «Tavriya»ya qarşı səfərdə keçirilmiş matçda da intizamsız hərəkət edib. O, bu dəfə matçın 69-cu dəqiqəsində kobud oyuna görə sarı vərəqə ilə cəzalandırılıb. Bu, Ruslanın meydanda olduğu son üç matçda aldığı üçüncü vərəqədir (bir qırmızı, iki sarı).

Qeyd edək ki, «Tavriya»ya qarşı görüşdə Ruslan əsas heyətdə meydana çıxıb. Zeynalov 90 dəqiqə meydanda olsa da, komandasına kömək edə bilməyib. «Aleksandriya» 1:4 hesabı ilə məğlubiyyətə uğrayıb.

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...