Aqil Abbas: «Foqts qalacaqdısa, o bəyanat verilməməliydi»

Aqil Abbas: «Foqts qalacaqdısa, o bəyanat verilməməliydi»
ÖLKƏ FUTBOLU 30 Noyabr 2011 / 14:52 2528
-  A +

Millət vəkili, «Qarabağ» klubunun fəxri prezidenti Aqil Abbas AFFA-nın milli komandamızın baş məşqçisi Berti Foqtsla müqaviləni 2014-cü ilə qədər uzatmasına münasibət bildirib.

Qol.Az-ın müxbiri ilə söhbətində o, federasiyanın bu qərarına qarşı çıxıb.

«Bu, AFFA-nın seçimidir. Mən AFFA İcraiyyə Komitəsinin üzvü olmadığıma görə qərar vermək səlahiyyətində deyiləm. Amma yadıma gəlir ki, AFFA bəyanat vermişdi ki, Foqtsun taleyi Avstriya və Türkiyə ilə oyunlardan asılıdır. Həmin oyunlarda isə komandamız uduzub. Əgər Foqtsun taleyi bu oyunlardan asılıydısa, gərək o bəyanat verilməyəydi» - deyə Aqil Abbas bildirib.

O qeyd edib ki, görünür, başqa məşqçi olmadığından federasiya belə bir seçim edib: «Amma mənim fikrimcə, baş məşqçi dəyişməliydi. Çünki Foqts bizim milli komandaya təzə bir şey gətirmədi. İndi də qəzetlərdə və saytlarda baxıram, gedib Rusiyada ikinci liqasından milli komandamıza oyunçu gətirirlər. Azərbaycanda o cür yüzlərlə futbolçu var».

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...