Qurban Qurbanov: "Yığma məsələsi bağlanıb"

Qurban Qurbanov: "Yığma məsələsi bağlanıb"
ÖLKƏ FUTBOLU 29 Noyabr 2011 / 13:26 2398
-  A +

Berti Foqtsun yığma ilə müqavilə müddəti sona yaxınlaşdıqca onu millidə kimin əvəzləyə biləcəyi ilə bağlı müzakirələr də artır.

Çoxları tərəfindən yığmanın baş məşqçi postuna əsas namizəd kimi göstərilən Qurban Qurbanov bu haqda  açıqlama verib. “Qarabağ”ın çalışdırıcısı yığmaya gəlmək haqqında düşünmədiyini bildirib:  “Mənim üçün yığmaya gəlmək məsələsi bağlanıb. “Qarabağ”ın baş məşqçisiyəm və burada işləməkdən məmnunam. Başqa variant haqqında düşünmürəm. Sadəcə, bir azarkeş kimi millimizi dəstəkləyirəm. Onlar uğur qazandıqda mən də sevinirəm”.

“Qarabağ”ın “Neftçi” ilə oyunu haqqında da fikirlərini bölüşən 39 yaşlı mütəxəssis “flaqman”ın qələbəsində bəxt amilinin rol oynadığını qeyd edib: “Oyundan sonra “Neftçi”nin baş məşqçisi Böyükağa Hacıyev də bildirdi ki, onların bu görüşdə bəxti gətirdi. Lakin istənilən halda qələbə qələbədir. “Neftçi” əlinə düşən şanslardan daha yaxşı yararlandı və 3 xalı qazandı. Qapımıza vurulan 1-ci topda qapıçımız Pavloviçin səhvi var idi. Lakin Flavinyonun qolunda onu günahlandırmaq yersizdir. Fikrimcə, belə topu tutmaq qapıçılar üçün mümkünsüzdür”.

Mənbə: Qafqazinfo.az

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...