Ramin Musayev: “Xarici hakimin dəvət edilməsindən söhbət belə gedə bilməz”

Ramin Musayev: “Xarici hakimin dəvət edilməsindən söhbət belə gedə bilməz”
ÖLKƏ FUTBOLU 22 Noyabr 2011 / 17:30 2127
-  A +

“Nə qədər ki, öz hakimlərimiz var, xaricdən heç bir hakimin bura dəvət edilməsindən söhbət belə gedə bilməz. Mən bu vəzifəyə təyin olunandan bu sözləri deyirəm. Çünki hər şeydən əvvəl bu bizim öz hakimlərimizə hörmətsizlikdir”.

Qol.Az-ın müxbiri ilə söhbətində bu sözləri PFL-in prezidenti Ramin Musayev “Neftçi” klubunun xarici hakimlərlə bağlı yaydığı bəyanat haqda danışarkən deyib.

R.Musayev AFFA prezidenti Rövnəq Abdullayevin də xarici hakimlərin əleyhinə olduğunu bildirib: “Hər hansı bir hakimin səhvə yol verməyi o demək deyil ki, bütün hakimlərimiz bunda təqsirlidir. Biz qurunun oduna yaşı yandırmayacağıq. AFFA prezidenti Rövnəq Abdullayev də həmişə xarici hakimlərin gəlməsinə öz etirazını bildirib. O öz hakimlərimiz ola-ola xaricdən referi çağırmağımızın əleyhinədir”.

Qeyd edək ki, “Neftçi” bir qədər öncə hakimlərin kluba qarşı qərəzli mövqedə olması barədə bəyanat yayıb. Klub növbəti turda “Neftçi”nin oyunlarını xarici hakimlərin idarə etməsini istəyib.

 

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...