Almaniyalı mütəxəssis Berti Foqts Azərbaycan millisində qalıb-qalmayacağı məsələsinə növbəti dəfə münasibət bildirib.
Qol.Az-ın məlumatına görə, jurnalistlərlə söhbətində o xatırladıb ki, AFFA ilə ilin sonunadək müqaviləsi var, yaxın vaxtlarda isə federasiya rəhbərliyi ilə görüşü olacaq.
Foqts Albaniya millisinin baş məşqçisi vəzifəsinə naziməd olub-olmaması ilə bağlı sualı da cavablandırıb: “İndi burda diskussiya açıb, bir-bir ölkələrin adlarını çəkmək fikrində deyiləm. Yanvarın 1-dək harada işləyəcəyim barədə danışmaq istəmirəm. Çünki həmin müddətədək komandanızla müqaviləm var”.
Foqts Azərbaycanda gördüyü işlər haqda AFFA rəhbərliyinə verəcəyi hesabat haqda da fikirlərini bildirib: “İşimdən razı qalmamışam. Çünki son seçmə mərhələdə daha çox xal yığacağımızı gözləyirdim. Futbolçuların fiziki durumu əvvəlki illərlə müqayisədə son vaxtlar daha pis olub. Futbolçular həm klublarında, həm də öz üzərlərində az işləyiblər. Onu da deyim ki, mənə hazırlıq üçün əvvəllər olduğu kimi, son vaxtlar yetərincə vaxt verilməyib. Milli komandanı istəyim vaxt bir araya gətirmək üçün PFL mənə imkan yaratmayıb. Sizə misal çəkim: “Qarabağ” Avropa Liqasında oynayanda çempionatda ilk turun oyunu təxirə salınmışdı. Bütün bunlar hiss olunur. Yəni, mənə 2 il öncəki kimi hazırlıq üçün vaxt ayrılmır. Bu da futbolçuların oyununda özünü göstərir”.
"Qarabağ"ın "Turan Tovuz"u məğlub etdiyi oyun - Video
"Qarabağ" 7 qollu oyunda "Turan Tovuz"a qalib gəldi
UEFA-dan Şahruddinin oynadığı kluba avrokubok cəzası - Rəsmi
"Yuventus" Alleqrini istefaya göndərdi
"Qarabağ" - "Turan Tovuz": Heyətlər
Tuhel qərarını dəyişmədi
"Marsel"in baş məşqçisi karyerasını başa vurur
Azərbaycan cüdoçuları Avropa Kubokunda iştirak edəcəklər
1-ci liqada son turun oyunları eyni gündə, eyni saatda
"Yuventus"dan Mottaya 3 illik müqavilə təklifi
İki futbolçu "Liverpul"dan ayrılır - Rəsmi
FİFA VAR-la bağlı yeni qaydalar tətbiq edir
“Qarabağ” - "Turan Tovuz" oyununda qadın hakimlər