Rəşad Sadıqovun qolu qırıldı

Rəşad Sadıqovun qolu qırıldı
ÖLKƏ FUTBOLU 31 Oktyabr 2011 / 23:34 2836
-  A +

Premyer Liqanın XII turu çərçivəsində öz meydanında "Sumqayıt Şəhər"lə qarşılaşacaq Ağdamın "Qarabağ" klubu ciddi itki ilə üzləşib.

Qol.Az-ın məlumatına görə, komandanın bugünkü məşqində Rəşad Sadıqov qolundan ciddi zədə alıb.

Məşqdən sonra tibbi müayinədən keçən Sadıqovun qolunun qırıldığı müəyyənləşib. Hazırda qolu gipsdə olan Sadıqovun ən azı 3-4 həftə yaşıl meydanlardan uzaq qalacağı bildirilir.

Bu xəbəri Qol.Az-ın müxbiri ilə söhbətində Rəşadın özü də təsdiqləyib. Futbolçu məşq zamanı qolunun qırıldığını və ən azı 3-4 həftə komandasına kömək edə bilməyəcəyini bildirib.

Qeyd edək ki, belə olan təqdirdə Sadıqov Premyer Liqanın bu həftəsonu baş tutacaq "Sumqayıt Şəhər"lə və eləcə də millimizin Albaniya və Almaniyanın "Union Berlin" komandası ilə keçirəcəyi yoldaşlıq görüşlərində iştirak edə bilməyəcək.

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...