"Neftçi"nin qənimi Çempionlar Liqasının qrup mərhələsində

DÜNYA FUTBOLU 24 Avqust 2011 / 02:32 6228

- A +

Bu axşam Çempionlar Liqasının "play-off" mərhələsinin oyunlarına yekun vurulub. Qol.Az-ın məlumatına görə, baş tutacaq 5 qarşılaşmanın hamısı eyni saatda başlayıb.

Ümumilikdə isə ÇL-in qrup mərhələsinə düşmək uğrunda Avropanın 20 komandası mübarizə aparır. Lakin təəssüf ki, bu komandalar arasında Azərbaycan təmsilçisi yoxdur.

Bu turnirdə "Neftçi"ni mübarizədən kənarlaşdıran Xorvatiyanın "Dinamo" klubu isə yoluna davam edir. Artıq Zaqreb təmsilçisinin ÇL-in qrup mərhələsində iştirak edəcəyi rəsmiləşib.

Zaqrebdə keçirilən ilk görüşdə İsveçin "Malmö" klubunu 4:1 hesabı ilə məğlub edən "Dinamo" səfərdə böyük çətinliklə üzləşib. İkinci hissədə qapısında 2 top görən "Dinamo" bu hesabı qorumaqla adını qrup mərhələsinin iştirakçıları sırasına yazdırıb.

Günün digər qarşılaşmalarında isə APOEL (Kipr) "Visla" (Polşa), "Genk" "Makkabi"ni (İsrail) qəbul edib. Səfərdə 0:1 hesabı ilə məğlub olan APOEL öz meydanında "Visla"nı iki top fərqi ilə üstələyib - 3:1. "Genk" isə "Makkabi" ilə dramatik oyunda penaltilər seriyasında qələbə qazanaraq 5-ci xoşbəxt komanda olub.

Digər maraqlı oyunlar isə İspaniya və İsveçrədə baş tutub. İspaniyada yerli "Villareal" komandası Danimarkanın "Odense", İsveçrədə isə "Sürix" öz meydanında Almaniyanın "Bavariya" klubu ilə qarşılaşıb. Rəqiblərini müvafiq olaraq 3:0 və 1:0 hesabı ilə məğlub edən "Villareal" və "Bavariya" klubları da Çempionlar Liqasının qrup mərhələsində oynamaq imkanı qazanıb.

Bununla da, Çempionlar Liqasının qrup mərhələsində oynayacaq 5 komanda müəyyənləşib. Daha 5 komandanın adına isə bu axşam keçiriləcək oyunlardan sonra aydınlıq gələcək.

23 avqust

Çempionlar Liqasının "play-off" mərhələsinin cavab görüşləri

23:45. APOEL (Kipr) - "Visla" (Polşa) (ilk oyun - 0:1) - 3:1
Qollar: Manduka, 29 (1:0), Aylton, 54 (2:0), Vilk (2:1), Almeyda, 87 (3:1)

23:45. "Sürix" (İsveçrə) - "Bavariya" (Almaniya) (ilk oyun - 0:2) - 0:1
Qol: Mario Qomez, 7 (0:1)

23:45. "Malmö" (İsveç) - "Dinamo" (Xorvatiya) (ilk oyun - 1:4) - 2:0
Qollar: Fiqeyredo, 69 (1:0), Yanson, 86 (2:0)

23:45. "Genk" (Belçika) - "Makkabi" (Hayfa, İsrail) (ilk oyun - 1:2) - 2:1 (Penaltilər seriyası - 4:1 )
"Genk": + + + +
"Makkabi": - - +
Qollar: Vossen, 35 (1:0), Qolasa, 37 (1:1), Buffel, 41 (2:1)

23:45. "Villareal" (İspaniya) - "Odense" (Danimarka) (ilk oyun - 0:1) - 3:0
Qollar: Rossi, 50 (1:0), 66 (2:0), Marçena, 82 (3:0)

22 avqust

21:00. "Rubin" (Rusiya) - "Lion" (Fransa) (ilk oyun - 1:3)

23:45. "Udineze" (İtaliya) - "Arsenal" (İngiltərə) (ilk oyun - 0:1)

23:45. "Şturm" (Avstriya) - BATE (Belarus) (ilk oyun - 1:1)

23:45. "Viktoriya" (Çexiya) - "Kopenhagen" (Danimarka) (ilk
oyun - 3:1)

23:45. "Benfika" (Portuqaliya) - "Tvente" (Hollandiya) (ilk oyun - 2:2)

Daha çox