19:55
SOCAR-ın inzibati binasında AFFA İcraiyyə Komitəsinin növbəti iclası keçirilib.
QOL.az xəbər verir ki, bu barədə qurumun mətbuat xidməti məlumat yayıb. İclasda əvvəlcə AFFA prezidenti Rövşən Nəcəf gündəlikdə duran məsələlər barədə məlumat verib.
Daha sonra AFFA-nın baş katibi Cahangir Fərəcullayev FIFA-nın qərarına əsasən Azərbaycana həvalə edilən 15 yaşadək oğlan futbolçulardan ibarət komandalar arasında bu il keçiriləcək ilk dünya çempionatı və festivalı barədə ümumi məlumat verib.
İclasda ölkə futbolunda 2025/2026-cı illər mövsümünün yekunları da müzakirə olunub. İcraiyyə Komitəsinin üzvləri mövsüm ərzində təşkilatçılıq, yarışların keyfiyyəti və ümumi inkişaf istiqamətləri ilə bağlı fikirlərini bölüşüblər.
Toplantı çərçivəsində AFFA-nın yeni texniki direktoru Edmond Klaus təqdim olunub. Onun gənclərin inkişafı, akademiya quruculuğu və idarəetməsi, təhsil və metodologiya, həmçinin skautinq sahəsində geniş təcrübəyə malik olduğu bildirilib. Xüsusilə Niderlandın “Ayaks” akademiyasındakı fəaliyyəti, eləcə də Niderland və Çində müxtəlif yaş qrupları üzrə milli komandalardakı təcrübəsinin Azərbaycandakı işinə töhfə verəcəyi vurğulanıb.
AFFA baş katibinin müavini Elçin Məmmədov yeni yaradılmış Futbol İnkişaf Departamentinin fəaliyyəti və 5 ulduz modeli üzrə akademiyaların sertifikatlaşdırma qaydaları barədə məlumat verib. Növbəti mövsümdən tətbiq olunacaq qaydalar ətrafında fikir mübadiləsi aparılıb.
Daha sonra Cahangir Fərəcullayev Misli Premyer Liqası klublarına qrant müqaviləsi əsasında uşaq və yeniyetmə futbolunun inkişafı üçün ayrılan maliyyə yardımından istifadə qaydaları və nəzarət mexanizmi ilə bağlı yeni yanaşmanı təqdim edib. Səsverməyə çıxarılan məsələ İcraiyyə Komitəsi tərəfindən qəbul olunub.
İclasda həmçinin Elit Məşq layihəsi üçün təklif olunan yeni format müzakirə edilib. İcraiyyə Komitəsi üzvlərinin qeydləri əsasında layihənin təkmilləşdirilməsi ilə bağlı tapşırıq verilib.
Yuxarı
"Qarabağ"ın Avstriya hazırlığı davam edir - Şəkillər
Ronaldo niyə əvəz olunmadan oynayır?
Uzun müddət yaşıl meydanlardan uzaq qalacaq
"Sabah" Macarıstan klubu ilə heç-heçə etdi
Mundialda büdrədilər, baş məşqçi istefa verdi
Vinisius, Mbappe, Kenan...
Ölkə prezidenti millinin rəhbərliyini sərt tənqid etdi
“Nyukasl” futbolçusunu rekord maaşla heyətdə saxlayır
Konqo ilə matça qədər zədəsini sağaltdı
Kanada CAR-la oyuna necə hazırlaşır?
"Turan Tovuz"un yay hazırlıq planı bəlli oldu
"Matçın danışılmasından söhbət belə gedə bilməz"
"Futbolçular risk etməkdən qorxurlar"
"Real"ı tərk edə bilər
Kyeza göndərilir
Dünya Çempionatı 2026
Xəbərlər
Təqvim
Cədvəl