Avropada milli həyəcanı: Məhsuldar gecə (YENİLƏNİB)

AÇ-2012-nin seçmə mərhələsi çərçivəsində millimizin oyunu ilə yanaşı daha 5 görüş keçirilib. Qol.Az-ın məlumatına görə, bu oyunlar seçmə mərhələnin C, D və E qruplarında baş tutub.
 
C qrupunda cəmi 1 görüş keçirilib. Bu qrupun aşkar autsayderi olan Farer adaları öz meydanında Estoniya yığmasını qəbul edib. Görüş sensasion nəticə ilə başa çatıb. Farer adaları Bakı "İnter"inin futbolçusu Dmitri Kruqlovun start heyətində yer aldığı Estoniyanı məğlub edib.
 
D qrupunda Belarus Lüksemburqla, Bosniya-Herseqovina isə Albaniya ilə qarşılaşıb. Bu qrupda daha çox Minskdəki görüş maraq doğurub. Çünki Belarus - Lüksemburq matçını azərbaycanlı referi Anar Salmanovun başçılıq etdiyi hakimlər briqadası idarə edib. Salmanov komandaların hərəyə bir futbolçusuna sarı vərəqə göstərib. O, eyni zamanda Lüksemburqun qapısına penalti təyin edib ki, Belarus da bundan yararlana bilib. Eyni xala malik olan Bosniya-Herseqovina və Albaniyanın dueli də az maraq doğurmayıb. Bu görüşdə də meydan sahibləri qalib gəliblər.
 
E qrupunda isə İsveç öz meydanında Finlandiyanı qəbul edib. İsveç AÇ-ya getmək şansını saxlamaq üçün bu görüşdə mütləq qələbə qazanmalı idi. Onlar buna nail olublar. Görüş İsveçin 5:0 hesablı qələbəsi ilə başa çatıb. Qollardan 3-ünü Zlatan İbrahimoviç vurub. Qrupun digər görüşündə isə San Marino Macarıstana böyük hesabla uduzub.

Ümumiyyətlə, gecənin oyunları kifayət qədər məhsuldar alınıb. Millimizin Almaniya ilə oyununda vurulan 4 qolu da nəzərə alsaq, 6 matçda 18 top qeydə alınıb. Bu isə hər görüşə orta hesabla 3 top deməkdir.

7 iyun

AÇ-2012-nin seçmə mərhələsi
 

C qrupu
 
23:30. Farer adaları - Estoniya - 2:0 
Qol: Frodi Benjaminsen, 43-pen. (1:0). Arnbyörn Hansen, 47 (2:0)
Penaltini vura bilməyib: Frodi Benjaminsen, 47 (Farer adaları)
Qırmızı vərəqələr: Sander Puri, 57 (Estoniya). Pol Yohannes Yustinussen, 89 (Farer adaları) 

1 İtaliya                        6 5 1 0 14 - 1 16
2 Sloveniya                    7 3 2 2 9 - 4 11
3 Serbiya                       6 2 2 2 8 - 9 8
4 Estoniya                     7 2 1 4 7 - 11 7
5 Şimali İrlandiya           5 1 3 1 3 - 3 6
6 Farer adaları               7 1 1 5 5 - 18 4

 
D qrupu
 
22:00. Belarus - Lüksemburq - 2:0
Qollar: Sergey Kornilenko, 48-pen. (1:0). Anton Putsila, 73 (2:0)

23:15. Bosniya və Herseqovina - Albaniya - 2:0
Qollar: Haris Medunyanin, 67 (1:0). Darko Maletiç, 90 (2:0)
Qırmızı vərəqə: Endi Lila, 87 (Albaniya) 

1 Fransa                        6 4 1 1 9 - 2 13
2 Belarus                       7 3 3 1 6 - 2 12
3 Bosniya-Herseqovina    6 3 1 2 8 - 7 10
3 Rumıniya                     6 2 2 2 8 - 6 8
4 Albaniya                      6 2 2 1 4 - 6 8
6 Lüksemburq                 7 0 1 6 1 - 13 1

 
E qrupu
 
23:00. İsveç - Finlandiya - 5:0
Qollar: Kim Kallstrom, 11 (1:0). Zlatan İbrahimoviç, 31 (2:0). Zlatan İbrahimoviç, 35 (3:0). Zlatan İbrahimoviç, 53 (4:0). (5:0). Emir Bayrami, 83 (5:0)

23:30. San Marino – Macarıstan - 0:3
Qollar: Zoltan Liptak, 40 (0:1). İmre Sabiç, 49 (0:2). Vladimir Koman, 83 (0:3)

1 Hollandiya                   6 6 0 0 21 - 5 18
2 İsveç                          6 5 0 1 20 - 6 15
3 Macarıstan                  7 4 0 3 18 - 13 12
4 Finlandiya                   6 2 0 4 11 - 11 6
5 Moldova                      6 2 0 4 7 - 9 6
6 San Marino                  7 0 0 7 0 - 33 0