Avropada futbol həyəcanı: Türkiyə və Fransadan heç-heçə (YENİLƏNİB)

Avro-2012-nin seçmə mərhələsində növbəti oyunlar keçirilib. Qol.Az-ın məlumatına görə, ilk oyun günündə 9 qrupun 6-da baş tutan 11 oyun arasında qitənin futbolsevərləri üçün Belçika - Türkiyə matçı daha böyük əhəmiyyət kəsb edib.

Bu qarşılaşmada Türkiyə qələbə qazanacağı təqdirdə, A qrupunda ikinci pilləni ələ keçirəcəkdi. Lakin "ay-ulduzlular" heç-heçə ilə kifayətləniblər. Qrupun digər matçında Almaniya Avstriyanı yenərək, xallarını 18-ə çatdırıb və ən yaxın izləyicisi Belçikanı 8 xal qabaqlayıb. Bundestim növbəti matçında Azərbaycanı da məğlub edə bilsə, final mərhələsinə vəsiqəni vaxtından əvvəl təmin edəcək.  

Zaqrebdə keçirilmiş Xorvatiya - Gürcüstan matçı da az əhəmiyyət kəsb etməyib. Qonşu ölkənin baş məşqçisi Temuri Ketsbaya Xorvatiya paytaxtına "Qarabağ"ın hücumçusu Georgi Adamiyanı aparmasa da, sərəncamında kifayət qədər forvard olub. Hesabı ilk yarıda elə qonaqlar açıb. Lakin fasilədən sonra meydan sahibləri 3 dəqiqəyə 2 qol vuraraq, qələbəyə nail olublar.

Gecənin sensasiyasına Lixtenşteyn və Belarus imza atıb. "Cırtdanlar" Litvanı məğlubiyyətə uğradıblar. Belarus isə Fransa ilə heç-heçə edərək, ilk görüşdəki qələbənin təsadüfi olmadığını sübuta yetirib.

Farer adaları və San-Marino yenə uduzub, İtaliya, Rumıniya və İsveç darmadağına imza atıb.

A qrupu

18:00. Qazaxıstan - Azərbaycan - 2:1
Qollar: Sergey Qridin, 58 (1:0), Vüqar Nadirov, 63 (1:1), Sergey Qridin, 68 (2:1)

23:35. Avstriya - Almaniya - 1:2
Qollar: Mario Qomes, 44 (0:1). Arne Fridrix, 50-avt. (1:1). Mario Qomes, 90 (1:2)

23:45. Belçika - Türkiyə - 1:1
Qollar: Marvin Oqunjimi, 4 (1:0). Burak Yılmaz, 22 (1:1)
Penaltini vura bilməyib: Aksel Vitsel, 75 (Belçika)
Türkiyənin start heyəti: Volkan Dəmirəl - Sabri Sarıoğlu, Sərvət Çətin, Sərdar Kəsimal, Çağlar Birinci - Əmrə Belözoğlu, Səlçuk Şahin, Səlçuk İnan - Burak Yılmaz, Arda Turan, Kazım Kazım.

C qrupu

22:30. Farer adaları - Sloveniya - 0:2
Qollar: Tim Matavj, 29 (0:1). Roqvi Baldvinsson, 47-avt. (0:2)
Qırmızı vərəqə: Marko Şuler, 25 (Sloveniya)

23:45. İtaliya - Estoniya - 3:0
Qollar: Cüzeppe Rossi, 21 (1:0). Antonio Kassano, 39 (2:0). Campaolo Patsini, 68 (3:0)

D qrupu

23:00. Rumıniya - Bosniya və Herseqovina - 3:0
Qollar: Adrian Mutu, 37 (1:0). Çiprian Marika, 41 (2:0). Çiprian Marika, 55 (3:0)

23:50. Belarus - Fransa - 1:1
Qollar: Erik Abidal, 20-avt. (1:0). Floran Maluda, 22 (1:1)

E qrupu

23:30. Moldova - İsveç - 1:4
Qollar: Ola Tayvonen, 11 (0:1). Yohan Elmander, 30 (0:2). Sebastian Larsson, 58 (0:3). İqor Buqayev, 61 (1:3). Aleksandr Gerndt, 90 (1:4)

23:30. San-Marino - Finlandiya - 0:1
Qol: Mikael Forsell, 41 (0:1)

F qrupu

23:00. Xorvatiya - Gürcüstan - 2:1
Qollar: Jaba Kankava, 17 (0:1). Mario Mancukiç, 76 (1:1). Nikolya Kaliniç, 78 (2:1)

İ qrupu

22:30. Lixtenşteyn - Litva - 2:0
Qollar: Filipp Erne, 6 (1:0). Mişel Polverino, 36 (2:0)