19:42
Bu gecə dünya futbol ictimaiyyətinin diqqəti yenə Madridə yönəlib. Qol.Az-ın məlumatına görə, əzəli rəqiblər olan "Real" və "Barselona" klubları bu dəfə Çempionlar Liqasının ilk yarımfinal görüşündə üz-üzə gəliblər.
Son 2 "El-Klassiko"da "Real"a qalib gələ bilməyən "Barselona" axşamkı görüşdə rəqibindən üstün olduğunu sübut edib. Lionel Messinin vurduğu iki qol "Barsa"ya 2:0 hesablı səfər qələbəsi qazandırıb. Oyunun kulminasiya nöqtəsi 61-ci dəqiqədə "Real"ın futbolçusu Pepenin kobud oyuna görə birbaşa qırmızı vərəqə ilə meydançadan kənarlaşdırılması olub. Məhz "kral klubu" azlıqda qaldıqdan sonra kataloniyalılar say üstünlüyündən yararlanıblar. Düzdür, "Barselona"nın ehtiyat qapıçısı Xose Manuel Pinto da qovulub. Lakin Pinto ehtiyat oyunçular skamyasından kənarlaşdırıldığından, bu, meydançadakı saya təsir etməyib. Baş hakim Volfqanq Ştark Pepenin qovulmasına etiraz edən "Real"ın baş məşqçisi Joze Mourinyonu da tribunaya göndərib.
Beləliklə, sonuncu dəfə 2002-ci ildə ÇL-in qalibi olan "Real" Joze Mourinyonun rəhbərliyi altında yenidən turnirin ən güclüsü olmaq istəyini çox güman ki, reallaşdıra bilməyəcək. Çünki "Barselona"nın mayın 3-də öz meydançasında keçirəcəyi cavab görüşündə 2 top üstünlüyünü əldən verəcəyi inandırıcı görünmür.
Qeyd edək ki, digər yarımfinal matçı da eyni hesabla başa çatıb. İngiltərənin "Mançester Yunayted" klubu səfərdə Almaniyanın "Şalke 04" komandasını məğlub edib. Təkrar oyun mayın 4-də "Old Trafford"da keçiriləcək.
27 aprel
ÇL-in ilk yarımfinal görüşü
23:45. "Real" - "Barselona" - 0:2
Qol: Lionel Messi, 76 (0:1), Lionel Messi, 87 (0:2)
Qırmızı vərəqələr: Pepe, 61 ("Real"); Xose Manuel Pinto, 45 ("Barselona")
"Real": 1. İker Kasilyas, 17. Alvaro Arbeloa, 4. Serxio Ramos, 18. Raul Albiol, 12. Marselo, 10. Lassana Diarra, 14. Xabi Alonso, 3. Pepe, 23. Məsut Özil, 7. Kriştianu Ronaldu, 22. Anxel Di Maria
"Barselona": 1. Viktor Valdes, 2. Daniel Alveş, 14. Xavyer Maskerano, 3. Xerard Pike, 5. Karles Puyol, 6. Xavi Ernandes, 16. Serxio Buskets, 15. Seydu Keyta, 17. Pedro Rodriges, 10. Lionel Messi, 7. David Vilya.
Nunu istefaya göndərildi
"Fənərbaxça"da daha bir ayrılıq
"Səbail" qanalı Mustafanı transfer etdi
Fransa millisinin sabiq üzvü Türkiyə klubunda - Rəsmi
Xabi Alonso ən yaxşı məşqçi seçildi
Onana "Trabzonspor"a keçdi
2-ci liqada oyunların saatı açıqlandı
"Hədəfimiz Bakıda qələbə qazanmaqdır" - Aleksandr Zinçenko
Naxçıvan stadionu ilə bağlı müsbət xəbər
Alfonso Dominqes 1/4 finala yüksəldi
"Bayer" yeni baş məşqçisini açıqladı
Andrey Şevçenko Bakıya gəldi - Foto
Azərbaycan millisinin heyətində dəyişikliklər
