Əfsanəvi məşqçi Azərbaycanla oyunu piknikə bənzətdi

Əfsanəvi məşqçi Azərbaycanla oyunu piknikə bənzətdi
ÖLKƏ FUTBOLU 22 Aprel 2011 / 13:35 2989
-  A +

İspaniya kubokunun finalında qarşılaşan "Real" - "Barselona" matçını izləyənlər arasında əfsanəvi ispaniyalı mütəxəssis Havyer Klemente də olub. Qol.Az-ın məlumatına görə, həmin görüş zamanı yerli jurnalistlərin suallarını cavablandıran Klemente Azərbaycan millisinə qarşı keçirdikləri oyunu da yada salıb.

Serbiya yığmasında çalışdığı dövrdə Klementenin komandası AÇ-2008-in seçmə mərhələsi çərçivəsində millimizi Bakıda 6:1 hesabı ilə darmadağın etmişdi.

Hazırda Kamerun millisində çalışan təcrübəli mütəxəssis həmin oyun haqda bunları deyib: "Azərbaycanla səfər oyununu zamanı futbolçularım elə bil piknikə getmişdi. Lakin Belçika ilə Brüsseldəki qarşılaşmaya hazır deyildilər. Seçmə mərhələdə cəmi 2 oyunda məğlub olmuşduq. Lakin bu belə olmamalı idi.

Ancaq futbolçularım meydana elə arxayın çıxırdılar ki, sanki asan qələbə qazanacaqlar. Çox təəssüf ki, heyətində bir neçə səviyyəli oyunçu olmasına baxmayaraq, Serbiya millisi AÇ-2008-in final mərhələsinə çıxa bilmədi. Təbii ki, burada daha çox futbolçuların günahı var idi. Məhz onların meydanda arxayın davranmaları yığmanın bu istəyini gözündə qoydu".

Daha çox


Son xəbərlər