22:42
Azərbaycan milli komandası və "Qarabağ" klubunun əsas müdafiəçisi Rəşad Sadıqov "Neftçi" ilə oyunöncəsi iddialı açıqlamaları ilə diqqət çəkib. Qol.Az-ın müxbiri ilə söhbətində Sadıqov qarşıdakı oyunda "Neftçi"ni favorit sayıb:
"Bu mövsüm Premyer Liqanın təsnifat mərhələsində "Qarabağ" "Neftçi" ilə keçirdiyi görüşlərdə 1 məğlubiyyət və 1 heç-heç edib. Bu nəticələrə əsasən "Neftçi"nin psixoliji cəhətdən üstün olduğunu söyləmək olar. Növbəti matça gəldikdə isə bu oyunun favoriti "Neftçi"dir. Bunu həm "ağ-qaralar"ın çempionatın lideri olması, həm də ən yaxın izləyici "Xəzər Lənkəran"ı 4 xal fərqi ilə üstələməsi ilə izah etmək olar. Məhz bu amil "Neftçi"də bizə qarşı oyunda böyük inam yaradır.
Favorit olaraq da "Neftçi"nin bu oyunda qələbəni əldən verməmək istəyi mütləqdir. "Xəzər Lənkəran"la son oyunda "Neftçi"nin inamlı təsir bağışlaması da onların gücündən xəbər verir. Qarşıdakı matçın derbi bir oyun olmasını və stadiona çoxlu azarkeş ordusunun gəlməsini istəyirəm ki, onlar futbolumuzun əsl simalarını görsünlər".
Sadıqov "Neftçi" və "Xəzər Lənkəran"la keçirəcəyiniz oyunlarda xal itkisindən və çempionluq yolunda büdrəmənizdən qorxmursunuz” sualını isə belə cavablandırıb: "Tək bu oyunlarda çempionluq həll olunmur. Digər qalib gəldiyimiz rəqibləri də zəif saymaq olmaz. Çünki "altılıq"dakı bütün komandalar bizim üçün təhlükəlidir. Bu səbəbdən də “altılığ”ın hər bir oyununda müxtəlif nəticələr qeydə alına bilər. Burada itirilən və qazanılan xallar Avrokuboklara vəsiqənin sahibini müəyyənləşdirə bilər".
Sadıqov eyni zamanda AÇ-2012-nin seçmə mərhələsində milli komandamızın son oyununa da münasibət bildirib: "Birinci hissədə daha daha yaxşı oynadıq. Ancaq rəqibin sürətli oyunu və komanda olaraq buraxdığımız xırda səhvlər məğlubiyyətə yol açdı. Bu oyuna həm psixolji, həm də taktiki cəhətdən yaxşı hazırlaşmışdıq. Lakin təəssüf ki, bunu oyunda tətbiq edə bilmədik.
Hakimlərə gəldikdə isə onların azda olsa, səhvləri var idi. Ümumilikdə isə Belçika yığması ilə oyunda məğlubiyyətə görə hakimliyi qınamaq düzgün deyil. Rəqiblə başa-baş mübarizə aparmaq gücündə idik. Ancaq sadə epizodda buraxdığımız səhvlər rəqibin qol vurmağına şərait yaratdı".
Qurban Qurbanovun milliyə təyinatı ilə bağlı məsələyə isə Sadıqovun münasibəti belə olub: "Mənə Berti Foqtsla işləmək xoşdur. AFFA-nın hansı məşqçiyə üstünlük verməsi məni qətiyyən maraqlandırmır. Çünki bu işlə AFFA məşğul olur. Bizim bu haqda nəsə deməyimiz düzgün olmaz. Futbolçuların əsas işi meydanda mübarizə aparmaqdır".
"Liverpul"la razılaşdı
Alonso seçim arasında qaldı
Millimizin Çexiya ilə oyununun yeri və vaxtı bilindi
"İmişli" braziliyalı oyunçunu transfer etdi - Rəsmi
PSV Çempionşipdən onu transfer etdi
Hakimi 15 ilədək həbs oluna bilər
"Neftçi"nin Kipr klubu ilə oyununda 4 qol
"Biz "Real"dan daha çox gücləndik"
"Aris"lə oyunda xarakter göstərdik" - Patrik Andrade
AFFA-da bu vəzifənin icrası ona tapşırıldı
"Bavariya"nın qapıçısının 6 yaşlı oğlu dünyasını dəyişdi
Qavi: "Ter Ştegen "Barselona"nın əfsanəsidir"
Əliyar Ağayev Avropa Liqası matçına təyinat aldı
"Şkendiya" azərbaycanlı azarkeşlərə nə qədər yer ayırıb?
QOL.az sizə daha əlçatan oldu!
"Qarabağ" ÇL-də "pley-off"a yüksəlsə - Potensial rəqiblər...
"Çelsi" futbolçusunu icarəyə verdi
