Arif Əsədov: "Əgər Rail Məlikov həqiqətən belə addım atıbsa, onunla bağlı çox ciddi tədbir görüləcək"

Arif Əsədov: "Əgər Rail Məlikov həqiqətən belə addım atıbsa, onunla bağlı çox ciddi tədbir görüləcək"
ÖLKƏ FUTBOLU 4 Mart 2011 / 12:37 3459
-  A +

Dünən Azərbaycan kubokunun 1/4 final mərhələsinin "Neftçi" - "Xəzər Lənkəran" qarşılaşmasında paytaxt klubunun kapitanı Rail Məlikovun hərəkəti narazılıqla qarşılanıb. Baş məşqçi Arif Əsədov oyunun 79-cu dəqiqəsində Rali Məlikovu Cavid Hüseynovla əvəz etdikdən sonra futbolçu buna kəskin etiraz edib. Kapitan "Neftçi"nin formasını texniki zonaya ataraq, heç nəyə məhəl qoymadan soyunub-geyinmə otağına yollanıb.

Məsələ ilə bağlı komandanın baş məşqçi Arif Əsədov bunları bildirib: "Açığını deyim ki, mən həmin epizodu görməmişəm. Ancaq verilən məlumata görə, o, belə hərəkətə yol verib. Hazırda komanda istirahətdədir. Bu gün oyunun videoyazısına baxacağam. Əgər Rail Məlikovun həqiqətən də klubun formasını yerə atdığı təsdiqlənsə, onun məsələsi rəhbərlik səviyyəsində müzakirə edilərək müvafiq qərar veriləcək".

Mütəxəssis, "Rail Məlikovu böyük məbləğdə cərimə gözləyir, yoxsa komandadan kənarlaşdırıla bilər" sualını belə cavablandırıb: "Ümumiyyətlə, heç kimə imkan vermərik ki, "Neftçi"nin atributunu yerə vursun. Özü də kapitana. Əgər həqiqətən Rail Məlikov belə addım atıbsa, onunla bağlı çox ciddi tədbir görüləcək".

Mənbə: supersport.az

Daha çox


Son xəbərlər