"Milan"ın 15 yaşlı hücumçusu A seriyasının oyununa çağırıldı

"Milan"ın 15 yaşlı hücumçusu A seriyasının oyununa çağırıldı
XƏBƏR 24 Noyabr 2023 / 14:30 1555
-  A +

"Milan"ın baş məşqçisi Stefano Pioli 15 yaşlı mərkəz hücumçusu Françesko Kamardanı A seriyasının 13-cü turunun "Fiorentina" ilə oyununa (25 noyabr) çağırıb. 

Qol.az xəbər verir ki, bu barədə İtaliyanın "Sport Mediaset" nəşri məlumat yayıb. "Milan"ın heyətində hücumameyilli oyunçuların zədəli və cəzalı olması səbəbindən Pioli qarşıdakı görüşdə yalnız hücumun mərkəzində Luka Yoviçə güvənə bilər. Bu səbəbdən aşağı yaş qrupundan Françesko Kamarda "Fiorentina" ilə dəvət alıb.

O, həmin matçda iştirak etsə, A Seriyasının tarixində oynamış ən gənc futbolçu olacaq. Hazırkı rekord "Bolonya"nın müdafiəçisi Uizdom Ameyə məxsusdur. O, 15 yaş 274 günlüyündə "Cenoa" ilə matçda meydana çıxıb. 

Kamardaya gəlincə, o, yeniyetmələrin yarışında 89 matçda 485 qol vurub. Bu mövsüm Françesko "Milan"ın gənclər komandasının heyətində 13 matçda iştirak edib,yeddi qol vurub və iki məhsuldar ötürmə verib.

Daha çox


Son xəbərlər
topaz banner