"Siti"yə keçə bilərdim, amma Mourinyo zəng edib dedi ki..."

"Siti"yə keçə bilərdim, amma Mourinyo zəng edib dedi ki..."
DÜNYA FUTBOLU 25 Mart 2023 / 15:29 3642
-  A +

"Marsel"in hücumçusu Aleksis Sançes "Mançester Yunayted"ə keçməmişdən əvvəl "Mançester Siti"yə transfer olmağa yaxın olub.

Qol.az "90min"ə istinadən xəbər verir ki, çilili futbolçu deyib: “Mançester Sitiyə keçmək istəyirdim. Mən hər gün Qvardiola ilə danışırdım və o, məni ad günü münasibətilə təbrik etmişdi. Pep "Barselona"da mənim üçün ata kimi idi və yenidən "Siti"də yollarımız kəsişə bilərdi.

Hər gün danışırdıq, mənə mesajlar göndərirdi. Keçid üçün hər şey hazır idi, “Arsenal” məni əvəz edəcək oyunçu tapdı. Amma sonra Arsen Venger mənə dedi ki, həmin oyunçu transferdən imtina etdiyi üçün qalıram.

Sonra Joze Mourinyo mənə zəng edib dedi: "Aleksis, bu yeddi nömrə sənin üçündür". Söhbət puldan getmir, bunu hamı bilir. “Yunayted” və “Siti”nin şərtləri eyni idi. O, mənə dedi: "Biz Çempionlar Liqasında oynayırıq və sənə mühüm rol verəcəyik".

Mən o vaxt öz-özümə dedim ki, “Mançester Yunayted”də oynayan ilk çilili mən olacağam. Kantona, Bekhem, Ronaldo 7 nömrə ilə oynamışdı.

“Yunayted”ə keçdiyimə görə peşman deyiləm, hər şeyin bir səbəbi olur. Ancaq "Mançester Siti"yə getmək istərdim".

Sançes 2018-ci ildə “Mançester Yunayted”ə transfer olsa da, klubda cəmi bir yarım mövsüm keçirib.


Son xəbərlər