"İndiki reallıqda Rusiya millisində oynamaq istəmirəm"

"İndiki reallıqda Rusiya millisində oynamaq istəmirəm"
DÜNYA FUTBOLU 27 Yanvar 2023 / 11:46 3541
-  A +

Kiprin "Aris" klubunda çıxış edən Aleksandr Kokorin bildirib ki, o, hazırkı reallıqda Rusiya millisində oynamaq istəmir.

Qol.az xəbər verir ki, 31 yaşlı hücumçu kiprli jurnalistlərə açıqlamasında deyib: "Mən realist olacağam. Çünki hazırkı şəraitdə millinin yaxın gələcəkdə rəsmi oyunlar keçirməsi ehtimalı azdır. Bəlkə də bu, ən azı 2025-ci ilə qədər davam edəcək. Bu mənada millidə oynamaq istəmirəm. Mənə zəng etsələr, əlbəttə ki, məşqçi ilə danışacağam, amma niyə çağırıldığımı bilmək istəyirəm ".

O deyib ki, yoxlama oyunları xatirinə milliyə getmək fikrində deyil: "Belə oyunlar məndənsə, gənc istedadlar üçün daha yaxşıdır. Əgər rəsmi oyunumuz olsa, təbii ki, milliyə qayıtmaq çox istəyirəm. Rusiya millisinin formasını geyinmək inanılmaz hissdir, amma indiki vəziyyətdə deyil”.

Qeyd edək ki, A.Kokorin Rusiya millisində 48 oyun keçirib, 12 qol vurub. O, son dəfə milliyə 2017-ci ildə dəvət alıb. Kokorin müxtəlif vaxtlarda "Zenit", "Dinamo", "Spartak", "Soçi" (hamısı Rusiya) və "Fiorentina"da (İtaliya) da oynayıb.


Son xəbərlər
16.04.24  12:58

Avro-2024-ü buraxacaq