Daha 5 cüdoçumuz Avropa çempionatında mübarizəyə başlayır

Daha 5 cüdoçumuz Avropa çempionatında mübarizəyə başlayır
CÜDO 29 Oktyabr 2022 / 10:00 995
-  A +

Bu gün daha 5 Azərbaycan cüdoçusu Bosniya və Herseqovinanın paytaxtı Sarayevodakı 23 yaşadək cüdoçular arasında Avropa çempionatında mübarizəyə qoşulacaq.

Qol.az xəbər verir ki, Məhərrəm İmamverdiyev (81 kq) monteneqrolu Nikola Stanisiç ilə üz-üzə gələcək. İsmayıl Zamanov (90 kq) isə Böyük Britaniya cüdoçusu Rayan Riksen Salmanla mübarizəyə start verəcək. O, bu rəqibini keçəcəyi təqdirdə növbəti mərhələdə Fransis Damyeri (Fransa) sınağa çəkəcək. Ruslan Nəsirli (100 kq) niderlandlı Kilian Bultuislə qarşılaşacaq.

Həmçinin oxuyun: Cüdoçularımızdan Avropa çempionatında 1 qızıl, 2 gümüş medal

Qadınların yarışında isə iki Azərbaycan təmsilçisi tatami üzərinə çıxacaq. Südabə Ağayeva (70 kq) mübarizəyə Sesilya Betemslə start verəcəksə,  Nərmin Əmirlinin (78 kq) ilk rəqibi serbiyalı Yovana Stepanoviç olacaq.

Qeyd edək ki, yarışın ilk günündə Azərbaycan təmsilçilərindən Nazir Talıbov (60kq) qızıl, Kənan İsmayılov (60 kq) və Könül Əliyeva (48 kq) isə gümüş medal qazanıb.

Daha çox


Son xəbərlər