“Mançester Siti”nin yeni şübhəli tərəfdaşı - Rayan Li kimdir?

“Mançester Siti”nin yeni şübhəli tərəfdaşı - Rayan Li kimdir?
DÜNYA FUTBOLU 21 Sentyabr 2022 / 12:13 2439
-  A +

“Mançester Siti” yenidən maliyyə feyr-pley qaydalarını pozmağa cəhddə ittiham olunub.

Qol.az xəbər verir ki, “Mirror” nəşrinin jurnalisti Kolin Milların sosial şəbəkələrdə dərc olunmuş araşdırma materiallarına görə, İngiltərə klubunun tərəfdaşlarından olan Asiya mərc mərc şirkəti 8XBet şübhəli reputasiyaya malikdir. Bildirilir ki, şirkətin sosial media səhifələri mərc oynamağın qanunsuz hesab edildiyi Birləşmiş Ərəb Əmirliklərindən idarə edilir. Həmçinin şirkətin internet saytına girişlə bağlı problemlər var. Onlar demək olar ki, heç vaxt işləmir.

“Mançester Siti” saytında bildirilir ki, 8XBet 2018-ci ildə Rayan Li adlı şəxs tərəfindən təsis edilib. Lakin 8xbet.com domeni keçən ilin noyabrında satışa çıxarılıb. İnternetdə şirkətin təsisçisi haqqında məlumat axtarış sistemlərində tapılmayıb. Onun haqqında bütün qeydlər yalnız mərc şirkəti barədə məqalə və materiallarla əlaqələndirilir. Rayan Linin fikirlərini yayan ən azı iki jurnalist onunla şəxsən danışmadıqlarını bildiriblər. Yalnız qeyd edilib ki, Britaniya şirkətlərindən birinin ictimaiyyətlə əlaqələr xidmətindən e-poçt vasitəsilə sitatlar alınıb. Jurnalistlər həmin şirkətin adını açıqlamaq hüquqları olmadıqlarını deyiblər.

Daha çox


Son xəbərlər
24.09.22  15:17

Kunde sıradan çıxdı

24.09.22  12:58

"Milan"da itki