16:50
“İlk görüş göstərdi ki, "Dinamo” (Tblisi) ilə eyni səviyyədə oyun keçdi. Hər iki komandanın qalib gəlmək şansı var idi”.
Bu sözləri Qol.az-a açıqlamasında "Neftçi"nin sabiq baş məşqçisi Elxan Abdullayev deyib. O, Çempionlar Liqasının 1-ci təsnifat mərhələsinin “Dinamo” – “Neftçi” matçı haqda danışarkən bu cütün qalibinin Azərbaycan çempionu olacağına inandığını söyləyib: “Fikrimcə, “Neftçi” ikinci oyunda da qalib gələcək. Amma oyuna ciddi yanaşmaq lazımdır. İlk matçda rəqib zəif olmadığını göstərdi”.
E. Abdullayev deyib ki, indi ilk növbədə "Dinamo”nu keçdikdən sonra 2-ci mərhələdəki rəqib "Olimpiakos" (Yunanıstan) haqda düşünmək lazımdır: “İlk oyunda rəqibin üstünlüyü vardı və birinci hissədə çoxlu təhlükəli vəziyyət yaratdılar. Amma demək olmaz ki, "Neftçi" zəif təsir bağışladı. İndiki vəziyyətə görə heç də pis oynamadıq. Lakin müdafiədə səhvlər çox idi".
O, Çempionlar Liqasında üç azərbaycanlı futbolçunun qol vurmasından da danışıb: “Bu, sevindirici məqamdır. Mahir Emreli "Legiya"nın heyətində 2 qol vurdu. O hücumçudur, əsas işi qol vurmaqdır. Hələ ki, işinin öhdəsindən layiqincə gəlir. 4 oyuna 6 qol vurubsa, deməli, öz üzərində çalışır. Ona uğurlar arzu edirəm. Davamı gəlsin. O ki qaldı yerli klublarımızdakı futbolçularımıza, Namik Ələskərov bir daha sübut etdi ki, əsl bombardirdir. O tək Azərbaycanda yox, Avropa turnirlərində də qol vura bilir. Hər kəsə uğurlar arzu edirəm. İstəyirəm daha çox qol vursunlar. Düzü, Emin Mahmudovun vurduğu ilk penalti məni əsəbiləşdirdi. Elə bir məqamda penalti zərbəsini dəqiq yerinə yetirmək lazım idi. Yaxşı ki, həmin vaxt qapıçı qaydanı pozduğuna görə o, zərbəni təkrar vurmalı oldu. Amma yaxşı olardı ki, birincidən qol vurardı”.
Ağa
Qol.az
"O, böyük sərvət xərclənəcək oyunçu deyil"
Osimheni ağladan təsirli koreoqrafiya - Video
"Sabah"dan qol yağışı - Video
Güləşçimiz erməniyə qalib gələrək bürünc medal qazandı
"Hər iki klub üçün bu mövzu bağlanıb" - Valdas Dambrauskas
"Hələ belə məğlubiyyətlə üzləşməmişdim" - Kaxaber Sxadadze
Fransa klubu qapıçısı ilə müqaviləni yenilədi
"Komandanın öyrəşdiyi sistemi dəyişdirmək asan deyil"
“Sabah” böyükhesablı qələbə qazandı
"Qalatasaray" - "Liverpul" matçının heyətləri açıqlandı
"Göygöl" "Şəki Siti"ni darmadağın etdi - Video
İngiltərə millisinin üzvü karyerasını bitirdi
"Real"ın futbolçusu əməliyyat olundu
“Göygöl” və “Qaradağ Lökbatan”dan böyükhesablı qələbə
