Son turlarda vacib xal itkiləriylə üzləşsək də, bu, heç də bizim zəif oyun sərgiləməyimiz anlamına gəlməməlidi. “İnter” yenə də ən baxımlı futbol sərgiləyən komandadı. Uğursuzluğumuzun yeganə səbəbi varsa, bunun da günahı hakimlərdədi. Mən hələ həyatımda burdakı kimi bərbad hakimlik görməmişəm. Aəzrbaycanda hakimlərin idarəçiliyinə pis deməklə fikrimi ən yüngül formada ifadə etmiş olaram. Bütün bu məsələlərə cavabdeh olan futbol adamları hara baxırlar bilmirəm”. Bu sözləri Qol.Az-a açıqlamasında “İnter”in legioner hücumçusu Robertas Poşkus deyib.
Unibank Premyer Liqasının son turlarında ardıcıl xal itkiləri ilə zirvəni əldən verən “bankirlər”in litvalı forvardı komandasının xal itkilərinə görə daha çox ədalət təmsilçilərini günahlandırıb: “Elə çox uzağa getməyib, “Xəzər Lənkəran”la oyundakı biabırçılıqdan danışmaq istərdim. Hakim penalty təyin etdiyi epizodda çox uzaqda idi və onu dəqiq görmürdü. Məhz bu üzdən penaltilik bir şey olmadığı halda qapımıza cərimə zərbəsi təyin etdi. Bildiyimə görə, həmin hakimi (“Xəzər Lənkəran” – “İnter” görüşünün baş hakimi Anar Salmanovu nəzərdə tutur) cəzalandırıblar. Amma bundan bizə heç bir fayda gəlməyəcək. Çünki itirdiyimizi itirmişik. Halbuki, belə prinsipial oyunda qələbəni əlimizdən almasaydılar, yenidən lider idik”.
Litvalı hücumçu hər şeyə rəğmən ruhdan düşmədiklərini, son tura kimi mübarizəni davam etdirəcəklərini deyir: “Hələ heç nə məlum deyil. Biz mübarizəmizi sonadək davam etdirəcəyik. Güman ki, hər şeyə son turda aydınlıq gələcək. İnanıram ki, sonda sevinən tərəf məhz biz olacağıq”.
Poşkus bu gün ölkə kubokunun yarımfinal mərhələsi çərçivəsində qarşılaşacaqları “Bakı”yla ilk oyun haqda da fikirlərini bildirib: “Şanslar bərabərdi. Düşünürəm ki, sürətli, baxımlı oyun olmayacaq. Çünki hər iki tərəf ehtiyatlı oyuna üstünlük verəcək. Son turlarda çox güc sərf etsək də, mövsümü major notlarla bitirəcəymizə, həm kubokda, həm də ölkə çempionatında nəyə qadir olduğumuzu sübut edəcəyimizə əminəm”.
"Neftçi" "Kəpəz"ə qarşı
Deyvis "Real"la danışıq aparır
110 illik fasilədən sonra kuboku qazandılar
"Arsenal" Jorjinyo ilə müqaviləni uzatdı
"İmişli" - "Qaradağ-Lökbatan" matçında insident
"Turan Tovuz" azarkeşlərə müraciət etdi
"Şamaxı"dan qələbə, liderdən xal itkisi
"Bavariya" son 12 ildə ilk dəfə kuboksuz qaldı
2-ci liqanın oyunları eyni gündə, eyni saatda
Qvardiola, Klopp, Arteta...
"Uğurlarımı ailəm və müəllimimə borcluyam"
Xorvatiya millisinin üzvü Avro-2024-ü buraxacaq
"Mançester Yunayted"dən onun üçün 70 milyon avro
Premyer Liqada mövsümün ən yaxşısı adına namizədlər
Benzia gələcək karyerası ilə bağlı hansı qərarı verib?
"Tottenhem" 7 futbolçusunu satır
Messinin salfeti hərraca çıxarıldı
"Bavariya"nın direktorundan sərt sözlər
"Kapitanımız Florentino Peresdir"
"Trabzonspor"un 4 cavabsız qolu - Video