21:17
“Qarabağ”ın yarımmüdafiəçisi Rahid Əmirquliyevin müsahibəsi
- Ölkə kubokununun 1/8 finalında “Səbail” üzərində 5:0 hesablı qələbə qazandınız. Oyunun bu qədər asan alınacağını gözləyirdiniz?
- Asan oyun olmur. Digərləri kimi, bu oyuna da ciddi hazırlaşmışdıq. İstəyirdik qələbə qazanaq, mərhələni adlayaq. Buna da nail olduq. Lakin qələbəni rahatlıqla qazanmadıq.
- Oyuna ciddi hazırlaşdığınızı desən də, komanda yoldaşların qol vuranda sevinmirdilər. Bu, oyunun məşq xarakterli olduğunu göstərmir?
- Yox, oyun məşq xarakterli deyildi. Qol vuranda yığışırdıq, biryerdə sevinirdik.
- 1/4 finalda rəqibiniz “Sumqayıt”dır. Yarımfinal öncəsi şansları necə dəyərləndirərdin?
- İndi bu oyun barədə düşünmürük. Qardaşı bizi “Fioentina” ilə vacib oyun gözləyir. Yalnız həmin matçdan sonra “Sumqayıt”la görüş barədə düşünmək olar.
- “Fiorentina” ilə oyundan öncə asan qələbə qazanmaq vacib matçda çıxışınıza nə dərəcədə təsir göstərəcək?
- Belə qələbə qazanmağımız yaxşı idi. Məşqçi bəzi oyunçuları yoxladı. Məhsuldar çıxışımız da müsbət məqamdır.
- Son zamanlar “Qarabağ”ın futbolçularının mətbuatla ünsiyyətinə qadağa qoyulduğu deyilir. Bu, nədən irəli gəlir?
- Bunu baş məşqçidən soruşsaz, daha yaxşı olar.
- Hər halda, futbolçu kimi sənin də fikirlərin maraqlıdır. Mətbuata danışmaq futbolçunun oyununa necə təsir göstərə bilər ki?
- Məncə elə də təsir eləmir. Görünür, baş məşqçimiz bunu ona görə edir ki, futbolçuların fikir ancaq oyunda olsun.
- “Fiorentina” ilə həlledici oyuna artıq az qalıb. “Qarabağ” lazımi nəticəni qazana biləcək?
- Çox çətin oyun olacaq. Aydın məsələdir ki, “Fiorentina” çox güclüdür. Amma futbolda mümkün olmayan şey yoxdur. “Fiorentina”nı məğlub etmək üçün əlimizdən gələni edəcəyik.
- Razısan ki, “Qarabağ”a “Fiorentina”nın son tura qədər 1/16 finala vəsiqəni təmin etməsi sərf edərdi? Bu halda Florensiya klubu Bakıya ikinci heyətlə də gələ bilərdi...
- Bəlkə də bu halda oyun fərqli olardı. Ancaq rəqibin meydana hansı heyətlə çıxmasından asılı olmayaraq, biz öz oyunumuzu oynamalıyıq.
- Üzərinizdə təzyiq çoxdur?
- Təzyiq onsuz da var. Anlayırıq ki, tarix yaza bilərik. Bu, ən vacib oyunlarımızdan biridir. Amma sakit olmalıyıq. Görüşə yaxşı hazırlaşmalı və təzyiqlə üzləşməməliyik.
- Sabiq komanda yoldaşın Şəhriyar Xəlilovun ölümü sənə necə təsir etdi?
- Çox pis. Allah rəhmət eləsin. O, hər birimizin dostu idi. Çox heyf ki aramızdan belə tez getdi.
Mənbə: Futbolxeber.az
"İmişli"də ayrılıq
Salah yenə ön planda
De la Fuente: “Daha da böyüməyə davam etməliyik”
Matçın ən yaxşısı seçildi
Yamal millidə qol vuran ikinci ən gənc oyunçu oldu
“Neftçi” kapitanlarla müqaviləni uzatdı
İspaniya – Səudiyyə Ərəbistanı oyununun start heyətləri
Ronaldo bu klubun səhmlərini alır
“Real” Olise transferindən əl çəkmir
Niderland Braziliyanın tarixi rekordunu yenilədi
“Qarabağ”ın hansı futbolçusu “Seltik”in hədəfindədir?
Dünya Çempionatı 2026
Xəbərlər
Təqvim
Cədvəl