21:40
Bu gün dünya futbolunun canlı əfsanəsi Dieqo Armando Maradonanın yubileyidir.
Qol.az xəbər verir ki, 1960-ci ilin 30 oktyabrında Buenos Ayresdəki yoxsul bir ailədə doğulan argentinalının 60 yaşı tamam olur.
Peşəkar futbolçu karyerasına “Argentinos Xuniors” klubunda başlayan Maradona “Boka Xuniors”, “Barselona”, “Napoli”, “Sevilya” və “Nyuelz Old Boyz”da da çıxış edib.
“Futbolun Tanrısı” adlandırılan Maradona karyerasına 1997-ci ildə “Boka Xuniors”da son qoyub. Klub karyerasında ümumilikdə 491 dəfə meydana çıxan Maradona 259 dəfə rəqib qapılarına yol tapıb.
O, 1977-1994-cü illərdə Argentina millisnin formasını geyinib. 91 dəfə milli komanda ilə meydana çıxan Dieqo 34 qol vurub. “Futbol Tanrısı” 1986-cı ildə Meksikada keçirilən dünya çempionatının qalibidir. Komandasının kapitanı olan Armando uğurda böyük pay sahibi olduğu üçün “Qızıl top” mükafatını da alıb.
Bundan başqa, Maradona “Napoli” ilə iki dəfə (1987, 1990) İtaliya çempionu olub.
Maradonanın karyerasında ən unudulmaz an isə 1986-cı ilin dünya çempionatının finalında Almaniyaya əllə vurduğu qoldur. Əfsanə özü həmin qolu “Tanrının əli” ilə vurulmuş qol adlandırmışdı.
Qeyd edək ki, 60 yaşlı mütəxəssis hazırda Argentinanın “Ximnasiya və Esqrima” klubunu çalışdırır.
ÇL matçına çıxmamaq cəzasından son anda xilas oldu
La Liqanın ən bahalı futbolçuları kimlərdir?
“Şəki Siti”nin əzmkar geridönüş qələbəsi - Video
MLS rəhbərliyi çempionat təqvimində dəyişiklik edir
"Barselona"dan yeni rekord
"Bavariya"dan "Real"a keçə bilər
"Çelsi"nin kapitanı sıradan çıxdı
Rəhim Həsənov hakimlərin qərarını təsdiqlədi - Video
Çempionlar Liqası finalının bilet qiymətləri bəlli oldu
Millidən qayıtdıqdan sonra qol vura bilmir
